റിയാദ്: സഊദി അറേബ്യയിലെ സ്ഥാപനങ്ങൾക്ക് ചെറിയ പെരുന്നാൾ അവധി പ്രഖ്യാപിച്ചു. നാല് ദിവസമാണ് അവധി പ്രഖ്യാപിച്ചത്. ഏപ്രിൽ 21 വെള്ളിയാഴ്ച മുതൽ ഈദ് അൽ ഫിത്തർ അവധി ആരംഭിക്കുമെന്ന് മാനവ വിഭവശേഷി, സാമൂഹിക വികസന മന്ത്രാലയം അറിയിച്ചു. സ്വകാര്യ, നോൺ പ്രോഫിറ്റ് മേഖലകൾക്ക് അവധി ബാധകമാണ്.

ഏപ്രിൽ 21 മുതൽ നാല് ദിവസത്തേക്കാണ് അവധി ദിവസങ്ങൾ പ്രഖ്യാപിച്ചത്. ഏപ്രിൽ 25 ചൊവ്വാഴ്ച മുതൽ സാധാരണ പ്രവൃത്തി സമയം ആരംഭിക്കും.

തൊഴിൽ നിയമത്തിന്റെ എക്സിക്യൂട്ടീവ് റെഗുലേഷനുകളുടെ ആർട്ടിക്കിൾ (24) ന്റെ രണ്ടാം ഖണ്ഡികയിലെ വ്യവസ്ഥകൾ പാലിക്കാനും അതോറിറ്റി തൊഴിലുടമകളോട് ആവശ്യപ്പെട്ടിട്ടുണ്ട്.

അതേസമയം, യുഎഇയിൽ അവധി ഏപ്രിൽ 20 വ്യാഴാഴ്ച മുതൽ ഏപ്രിൽ 23 ഞായർ വരെ ആയിരിക്കാനാണ് സാധ്യത. ശവ്വാൽ മാസപ്പിറവി എപ്പോൾ കാണുന്നു എന്നതിനെ ആശ്രയിച്ച് ആയിരിക്കും അവധിയെന്നാണ് കണക്കുകൂട്ടൽ.

കൂടുതല്‍ ഗള്‍ഫ് വാര്‍ത്തകള്‍ ലഭിക്കാന്‍ സുപ്രഭാതം വാട്‌സാപ്പ് കമ്യൂണിറ്റിയില്‍ ജോയിന്‍ ചെയ്യുക: https://chat.whatsapp.com/HVpI8bKnwZA7O8fvza77sv