തിരുവനന്തപുരം: കൊച്ചിയില്‍ യുവാവിനെ നഗ്നനാക്കി കെട്ടിയിട്ട് മര്‍ദിച്ച കേസിലെ മുഖ്യപ്രതി ലക്ഷ്മിപ്രിയ തിരുവനന്തപുരത്ത് അറസ്റ്റില്‍. തിരുവനന്തപുരം നഗരത്തില്‍ ഒളിവില്‍ കഴിയുകയായിരുന്നു യുവതി. പ്രണയബന്ധത്തില്‍നിന്ന് പിന്മാറാന്‍ ആവശ്യപ്പെട്ടായിരുന്നു യുവാവിനെ കെട്ടിയിട്ട് മര്‍ദിച്ചത്.

വര്‍ക്കല അയിരൂര്‍ സ്വദേശിയായ യുവാവാണ് മര്‍ദനത്തിനിരയായത്. യുവാവിനെ യുവതിയും ഗുണ്ടകളും ചേര്‍ന്ന് തട്ടിക്കൊണ്ടുപോയി ആളൊഴിഞ്ഞ വീട്ടില്‍ നഗ്‌നനാക്കി കെട്ടിയിട്ട് മര്‍ദിക്കുകയായിരുന്നു. ഇതിന്റെ ദൃശ്യങ്ങള്‍ പകര്‍ത്തുകയും ചെയ്തു.

ഏഴ് പ്രതികളാണ് കേസിലുള്ളത്. ഇതിലൊരാള്‍ ലക്ഷ്മിപ്രിയയുടെ പുതിയ കാമുകനാണ്. ഇന്നലെ മര്‍ദിച്ച സംഘത്തിലെ എറണാകുളം സ്വദേശി അമല്‍ എന്ന പ്രതിയെ പൊലിസ് കസ്റ്റഡിയിലെടുത്തിരുന്നു.