നരിക്കുനി:  വള്ളിക്കാട്ട് മീത്തല്‍ ഉസ്മാന്‍ കുടുംബസഹായ ഫണ്ട്  കാരാട്ട് റസാഖ് എം.എല്‍.എ  ഉസ്മാന്റെ മകന്‍ മുഷ്ത്താഖിന് കൈമാറി.
കമ്മിറ്റി പിരിച്ചെടുത്ത 12 ലക്ഷം രൂപയുടെ  രേഖയാണ് കൈമാറിയത്. അപകടംമൂലം നാഥന്‍ നഷ്ടപ്പെട്ട കുടുംബത്തെ  സഹായിക്കാനുള്ള നാട്ടുകാരുടെ കൂട്ടായ്മ പ്രോത്സാഹനജനകമാണെന്ന്  എം.എല്‍.എ പറഞ്ഞു. നരിക്കുനി പഞ്ചായത്ത് പ്രസിഡന്റ് അഡ്വ. വബിത അധ്യക്ഷനായി.  കണ്‍വീനര്‍ സി അബ്ദുല്‍ ജബ്ബാര്‍ റിപ്പോര്‍ട്ട് അവതരിപ്പിച്ചു. വാര്‍ഡ് അംഗങ്ങളായ  വസന്തകുമാരി, വേണുഗോപാല്‍, ഗിരിജ, വി ഇല്യാസ്, വാസുദേവന്‍ നമ്പൂതിരി,  പി അബ്ദുല്‍ ജബ്ബാര്‍ സംസാരിച്ചു. വി.കെ ഹംസ സ്വാഗതവും പി.കെ അബ്ദുല്‍ അസീസ്  നന്ദിയും പറഞ്ഞു.