നാദാപുരം: പെരിങ്ങത്തൂര്‍ ജുമുഅത്ത്പള്ളി മഹല്ല് ജമാഅത്തിന്റെ ആഭിമുഖ്യത്തില്‍ ശൈഖ് അലിയ്യുല്‍ കൂഫി ഉറൂസ് ആരംഭിച്ചു. ഇന്നലെ വൈകിട്ടു നടന്ന ചടങ്ങില്‍ പാണക്കാട് മന്‍സൂര്‍ അലി ശിഹാബ് തങ്ങള്‍ ഉദ്ഘാടനം നിര്‍വഹിച്ചു. കുറുവാലി മമ്മു ഹാജി അധ്യക്ഷനായി. ഇ.എം നൗഷാദ് മൗലവി പ്രഭാഷണം നടത്തി.
ഇന്നു നടക്കുന്ന മതപ്രഭാഷണ ചടങ്ങ് സാദിഖലി ശിഹാബ് തങ്ങള്‍ ഉദ്ഘാടനം ചെയ്യും. അബൂബക്കര്‍ അല്‍ഖാസിമി പത്തനാപുരം പ്രഭാഷണം നടത്തും. ചൊവ്വാഴ്ച ഖബര്‍ സിയാറത്തോടെ ആരംഭിക്കുന്ന പരിപാടി പി.പി ഉമര്‍ മുസ്‌ലിയാര്‍ ഉദ്ഘാടനം ചെയ്യും. ചേലക്കാട് മുഹമ്മദ് മുസ്‌ലിയാര്‍ ഖബര്‍ സിയാറത്തിനു നേതൃത്വം നല്‍കും. ബുധനാഴ്ച നടക്കുന്ന സ്‌നേഹസദസ് റഷീദലി ശിഹാബ് തങ്ങള്‍ ഉദ്ഘാടനം ചെയ്യും. ഓണമ്പള്ളി മുഹമ്മദ് ഫൈസി, സ്വാമി വിശ്വബദ്രാനന്ദ ശക്തിബോധി, ഫാദര്‍ ജെറോം ചിങ്ങത്തറ സംബന്ധിക്കും.
വ്യാഴാ ഴ്ച സിയാറത്തിന് അത്തിപ്പറ്റ മുഹ്‌യിദ്ദീന്‍കുട്ടി മുസ്‌ലിയാര്‍ നേതൃത്വം നല്‍കും. പൊതുസമ്മേളനം പാണക്കാട് അബ്ബാസ് അലി ശിഹാബ് തങ്ങള്‍ ഉദ്ഘാടനം ചെയ്യും. വെള്ളിയാഴ്ച സ്വലാത്ത് വാര്‍ഷികത്തിനും സിയാറത്തിനും സമസ്ത ജനറല്‍ സെക്രട്ടറി ആലിക്കുട്ടി മുസ്‌ലിയാര്‍ നേതൃത്വം നല്‍കും. പൊതുസമ്മേളനം പാണക്കാട് മുനവ്വറലി ശിഹാബ് തങ്ങള്‍ ഉദ്ഘാടനം ചെയ്യും. രാത്രി ഏഴിന് സിംസാറുല്‍ ഹഖ് ഹുദവി പ്രഭാഷണം നടത്തും.