രാമനാട്ടുകര: അഴിഞ്ഞിലത്ത് തെരുവ് നായ്ക്കളുടെ ആക്രമത്തില്‍ രണ്ട് പേര്‍ക്ക് പരുക്ക്. ശാന്തിപാടം കെ.പി അബ്ദുല്‍ അസീസിന്റെ ഭാര്യ സുബൈദ, എന്‍.പി മുഹമ്മദ്‌കോയയുടെ ഭാര്യ സുഹറ എന്നിവര്‍ക്കാണ് പരുക്കേറ്റത്.
വീടിനടുത്ത ഇടവഴിയില്‍ വച്ചാണ് ഒരു ഡസനോളം വരുന്ന നായകളുടെ ആക്രമണമുണ്ടായത്. കടിയേറ്റ് വീണ ഇവരെ സമീപത്തുണ്ടായിരുന്നവരാണ് രക്ഷപ്പെടുത്തിയത്. പരുക്കേറ്റവരെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.