ന്യൂഡല്‍ഹി: രാജ്യത്ത് പ്രതിദിന കൊവിഡ് കേസുകള്‍ക്കൊപ്പം മരണനിരക്കും കുറയുന്നു. 24 മണിക്കൂറിനിടെ 1,27,510 പുതിയ കേസുകളും 2,795 കൊവിഡ് മരണവുമാണ് പുതിയതായി സ്ഥിരീകരിച്ചത്. കഴിഞ്ഞ 54 ദിവസത്തിനിടയിലെ ഏറ്റവും കുറഞ്ഞ രോഗബാധയും 35 ദിവസത്തിനിടയിലെ കുറഞ്ഞ മരണനിരക്കുമാണ് ഇന്നലത്തേത്.

2,55,287 പേര്‍ രോഗമുക്തരായി. നിലവില്‍ 18,95,520 പേരാണ് ചികിത്സയിലുള്ളത്. ടെസ്റ്റ് പോസിറ്റിവിറ്റി നിരക്ക് 6.6 ശതമാനമായും കുറഞ്ഞു. തുടര്‍ച്ചയായ എട്ടാം ദിവസമാണ് ഇതു പത്തില്‍ താഴെ നില്‍ക്കുന്നത്. ആകെ മരണം 3,31,895 ആയി. നിലവില്‍ രാജ്യത്ത് ആകെ കൊവിഡ് സ്ഥിരീകരിച്ചവരുടെ എണ്ണം 2,81,75,044 ആണ്. 2,59,47,629 പേര്‍ രോഗമുക്തരായി. 24 മണിക്കൂറിനിടെ 19,25,374 കോവിഡ് പരിശോധനകളാണ് നടത്തിയത്. ഇതുവരെ 21,60,46,638 പേര്‍ക്ക് വാക്സിന്‍ നല്‍കിയതായും ആരോഗ്യമന്ത്രാലയം അറിയിച്ചു.