തൃക്കാക്കര: തൃക്കാക്കരയിലെ പരാജയത്തില്‍ സി.പി.എമ്മിനെ പരിഹസിച്ച് യൂത്ത് കോണ്‍ഗ്രസ് നേതാവ് രാഹുല്‍ മാങ്കൂട്ടത്തില്‍. ഫേസ് ബുക്ക് പോസ്റ്റ് വഴിയാണ് പരിഹാസം. 'സെഞ്ച്വറി അല്ല ഇഞ്ച്വറി'. സെഞ്ച്വറിയടിക്കുമെന്ന പ്രചാരണത്തിന് ഉപയോഗിച്ചിരുന്ന സി.പി.എം സ്ഥാനാര്‍ത്ഥി ജോ ജോസഫിന്റേയും പിണറായിയുടേയും ചിത്രം പങ്കുവെച്ച് അദ്ദേഹം ഫേസ്ബുക്കില്‍ കുറിച്ചു.

യു.ഡി.എഫിനെ പോലും അമ്പരപ്പിക്കുന്ന മുന്നേറ്റമാണ് ഉമ തോമസ് തൃക്കാക്കരയില്‍ കാഴ്ചവെച്ചിട്ടുള്ളത്. അഞ്ച് റൗണ്ട് എത്തിയപ്പോള്‍ തന്നെ അവരുടെ ഭൂരിപക്ഷം പതിനായിരം കടന്നിരുന്നു. പി.ടിക്ക് ലഭിച്ചതിനേക്കാള്‍ ഇരട്ടിയാണ് ഉമയുടെ ഭൂരിപക്ഷമെന്നാണ് കണക്കുകള്‍ വ്യക്തമാക്കുന്നത്.