തിരുവനന്തപുരം: പ്രേം നസീര്‍ സുഹൃത് സമിതി പത്ര ദൃശ്യമാധ്യമ പുരസ്‌കാരങ്ങള്‍ പ്രഖ്യാപിച്ചു. മികച്ച നിയമസഭ അവലോകന റിപ്പോര്‍ട്ടര്‍ക്കുള്ള പുരസ്‌കാരത്തിന് സുപ്രഭാതം സ്‌പെഷ്യല്‍ കറസ്‌പോണ്ടന്റും പാലക്കാട് ബ്യൂറോ ചീഫുമായ ഫൈസല്‍ കോങ്ങാട് അര്‍ഹനായി. മികച്ച ആനുകാലിക വാര്‍ത്താ റിപ്പോര്‍ട്ടര്‍ക്കുള്ള പുരസ്‌കാരം സുപ്രഭാതത്തിലെ പ്രാദേശിക റിപ്പോര്‍ട്ടര്‍ എം.എം അന്‍സാറിനാണ്.

മെയ് രണ്ടാം വാരം തിരുവനന്തപുരത്ത് നടക്കുന്ന ചടങ്ങില്‍ അവാര്‍ഡുകള്‍ സമ്മാനിക്കും. അഞ്ചംഗ ജൂറിയാണ് അവാര്‍ഡിന് അര്‍ഹരായവരെ തിരഞ്ഞെടുത്തത്. 2022 ജനുവരി 1 മുതല്‍ 2022 ഡിസംബര്‍ 31 വരെ പ്രസിദ്ധികരിച്ച പത്ര ദൃശ്യമാധ്യമ റിപ്പോര്‍ട്ടുകള്‍ക്കാണ് പുരസ്‌കാരം. 50ല്‍ അധികം എന്‍ട്രികളില്‍ നിന്നാണ് പുരസ്‌കാരാര്‍ഹരെ തിരഞ്ഞെടുത്തത്.