കൊച്ചി: സംസ്ഥാനത്ത് സ്വര്‍ണവിലയില്‍ വീണ്ടും കുതിപ്പ്. പവന് 440 രൂപ കൂടി ഇന്ന് സ്വര്‍ണ വില 45,000 കടന്നു. പവന് 45,320 രൂപയാണ് ഇന്നത്തെ സ്വര്‍ണ വില. ഗ്രാമിന് 55 രൂപയാണ് വര്‍ധിച്ചത്. 5,610 രൂപയാണ് ഗ്രാമിന്റെ വില. സര്‍വ്വകാല റെക്കോര്‍ഡാണിത്. ഗ്രാമിന് 5,610 രൂപയിലും പവന് 44,880 രൂപയിലുമാണ് ഇന്നലെ വ്യാപാരം നടന്നത്.

ഏപ്രില്‍ മാസത്തിന്റെ തുടക്കത്തില്‍ 44,000 രൂപയില്‍ വ്യാപാരം ആരംഭിച്ച സ്വര്‍ണം ഏപ്രില്‍ 5ന് ചരിത്രത്തിലെ ഏറ്റവും ഉയര്‍ന്ന വില എന്ന റെക്കോര്‍ഡ് ഇട്ടു. ഗ്രാമിന് 5,625 രൂപയിലും പവന് 45,000 രൂപയിലുമാണ് അന്ന് വ്യാപാരം നടന്നത്. ആ റെക്കോര്‍ഡാണ് ഇന്ന് തകര്‍ത്തിരിക്കുന്നത്. ഈ മാസം മൂന്നിന് രേഖപ്പെടുത്തിയ ഗ്രാമിന് 5,470 രൂപയും പവന് 43,760 രൂപയുമാണ് ഏപ്രിലിലെ ഏറ്റവും കുറഞ്ഞ നിരക്ക്.