പത്തനംതിട്ട: അരുവാപ്പുറത്ത് 85 വയസുള്ള വയോധികയെ പീഡിപ്പിച്ചത് ചെറുമകളുടെ ഭര്‍ത്താവ്. കഴിഞ്ഞ മാസം പത്തിനും പതിനഞ്ചിനും ഇടയിലായി മൂന്ന് തവണയാണ് 56 വയസുള്ള പ്രതി വയോധികയെ ബലാത്സംഗം ചെയ്തത്. പ്രതിയെ പൊലിസ് കസ്റ്റഡിയിലെടുത്തു.

വീടിനടുത്തുള്ള അംഗനവാടിയിലെ ജീവനക്കാരിയോടാണ് പീഡനവിവരം ആദ്യം പറഞ്ഞത്. തുടര്‍ന്ന് അംഗനവാടി ജീവനക്കാരി കോന്നി ഐസിഡിഎസ് സൂപ്പര്‍വൈസറെ വിവരം അറിയിച്ചു. ഇവരാണ് പൊലീസില്‍ പരാതി നല്‍കിയത്. പരാതിയുടെ അടിസ്ഥാനത്തില്‍ വയോധികയുടെ മൊഴി പൊലിസ് രേഖപ്പെടുത്തി.

കഴിഞ്ഞ 16 വര്‍ഷമായി ചെറുമകള്‍ക്കൊപ്പമാണ് വയോധിക കഴിയുന്നത്. എണ്‍പതിയഞ്ച്കാരിയുടെ ചെറുമകള്‍ പ്രതിയുടെ രണ്ടാം ഭാര്യയാണ്.