ഉത്തര്‍പ്രദേശ്: ഉത്തര്‍പ്രദേശിലെ കെമിക്കല്‍ ഫാക്ടറിയിലെ പൊട്ടിത്തെറിയെത്തുടര്‍ന്ന് എട്ട് പേര്‍ മരിച്ചു. 20 പേര്‍ക്ക് പരുക്കേറ്റു. ഹാപുര്‍ ജില്ലയിലെ വ്യവസായിക മേഖലയിലെ കെമിക്കല്‍ പ്ലാന്റിലാണ് പൊട്ടിത്തെറിയുണ്ടായത്. പരുക്കേറ്റ നിരവധി പേരെ ആശുപത്രിയിലേക്ക് മാറ്റി. നൂറിലേറെ പേര്‍ ഫാക്ടറിയില്‍ ജോലി ചെയ്യുന്ന സമയത്താണ് അപകടം നടന്നത്.

ഫാക്ടറിക്കകത്ത് തൊഴിലാളികള്‍ കുടുങ്ങിക്കിടക്കുന്നതായാണ് വിവരം. അകത്തുള്ളവരെ പുറത്തെത്തിക്കാനും തീയണക്കാനും ശ്രമങ്ങള്‍ തുടങ്ങിയിട്ടുണ്ട്. ആയിരക്കണക്കിന് തൊഴിലാളികള്‍ ജോലി ചെയ്യുന്ന മേഖലയാണ് ഇത്.അഗ്‌നിരക്ഷാ സേന സ്ഥലത്തെത്തിയിട്ടുണ്ട്.