വാകേരി: വി.എച്ച്.എസ്.ഇയില്‍ സ്‌നേഹപൂര്‍വം സുപ്രഭാതം പദ്ധതി ആരംഭിച്ചു. പൂര്‍വ വിദ്യാര്‍ഥിയും കര്‍ഷകനും പ്രവാസിയുമായ മുക്കില്‍ മുഹമ്മദലിയാണ് സ്‌കൂളിലേക്ക് പത്രം സ്‌പോണ്‍സര്‍ ചെയ്തത്.
പൂതാടി ഗ്രാമ പഞ്ചായത്തംഗം എം.കെ ബാലന്‍ വി.എച്ച്.എസ്.ഇ യൂനിയന്‍ ചെയര്‍മാന്‍ വിവേക് തങ്കച്ചനും സ്‌കൂള്‍ ലീഡര്‍ നയന്‍താരക്കും കോപ്പി നല്‍കി പദ്ധതി ഉദ്ഘാടനം ചെയ്തു. ശിഹാബ് തങ്ങള്‍ മജ്‌ലിസ് പ്രിന്‍സിപ്പാള്‍ വി.കെ അബ്ദുറഹ്മാന്‍ ദാരിമി, എം.കെ സ്വരാജ് മാസ്റ്റര്‍, എ.കെ മുഹമ്മദ് ദാരിമി, കെ.ബി ദിവാകരന്‍ മാസ്റ്റര്‍, നൗഷാദ് മൗലവി, ശംസീര്‍ മാസ്റ്റര്‍, രതീഷ് മാസ്റ്റര്‍ സംബന്ധിച്ചു, കെ.എ. നാസര്‍ മൗലവി പദ്ധതി വിശദീകരിച്ചു.
ഹെഡ്മാസ്റ്റര്‍ കെ സുരേന്ദ്രന്‍ സ്വാഗതവും ബിജു മാസ്റ്റര്‍ നന്ദിയും പറഞ്ഞു. കുടിയേറ്റ പ്രദേശമായ വാകേരിയില്‍ ജാതിമത ഭേദമന്യേ എല്ലാവരുടെയും കൂട്ടായ പരിശ്രമത്തിന്റെ ഭാഗമായി 1962 ജൂണ്‍ 14ന് ഓല ഷെഡില്‍ ആരംഭിച്ചതാണ് ഈ വിദ്യാലയം. 1982ലാണ് ആദ്യ ബാച്ച് എസ്.എസ്.എല്‍.സി പരീക്ഷയെ നേരിട്ടത്.
2010, 2011 വര്‍ഷങ്ങളില്‍ ഏറ്റവും കൂടുതല്‍ വിദ്യാര്‍ഥികളെ പരീക്ഷക്കിരുത്തി നൂറ് ശതമാനം വിജയം നേടിയ സ്‌കൂള്‍ എന്ന ഖ്യാതിയും സ്‌കൂള്‍ നേടി. 2012-2013, 2013-2014 വര്‍ഷങ്ങളില്‍ മികച്ച പി.ടി.എക്കുള്ള ജില്ലാ അവാര്‍ഡും സ്‌കൂളിനായിരുന്നു. കൂലിപ്പണിക്കാരുടെയും പിന്നോക്ക വിഭാഗക്കാരുടെയും കുട്ടികളാണ് ഇവിടെ പഠിക്കുന്നവരില്‍ ഭൂരിഭാഗവും.