തിരുവനന്തപുരം: ചരിത്രത്തിലാദ്യമായി കേരളത്തിലെ വൈദ്യുതി ഉപഭോഗം തുടര്‍ച്ചയായ ദിവസങ്ങളില്‍ പത്തുകോടി യൂണിറ്റ് മറികടന്നു. ഇന്നലെ കേരളം ഉപയോഗിച്ചത് 10.035 കോടി യൂണിറ്റാണ്. ഈ മാസം 13 നും റെക്കോര്‍ഡ് ഉപഭോഗമായിരുന്നു. അന്ന് 10.030 കോടി യൂണിറ്റ് വൈദ്യുതിയാണ് ഉപയോഗിച്ചത്.

കഴിഞ്ഞ വര്‍ഷം ഏപ്രിലില്‍ രേഖപ്പെടുത്തിയ 9.230 കോടി യൂണിറ്റായിരുന്നു ഇതുവരെയുള്ള റെക്കോര്‍ഡ്. നിലവില്‍ അനുഭവപ്പെടുന്ന കടുത്ത ചൂടാണ് വൈദ്യുതി ഉപഭോഗത്തിന്റെ വര്‍ധനവിന് കാരണമായിരിക്കുന്നത്.

അതേസമയം പ്രധാന ജലവൈദ്യുതി പദ്ധതികളുടെ അണക്കെട്ടുകളിലെ ജലനിരപ്പ് ദിവസം തോറും ഒരു ശതമാനം വീതം കുറയുകയാണ്. ഇടുക്കി അണക്കെട്ടില്‍ ഇന്നലെ 36 ശതമാനം വെള്ളമായിരുന്നു ഉണ്ടായിരുന്നത്. ഇന്ന് 35 ശതമാനമായി കുറഞ്ഞു.