വടക്കാഞ്ചേരി : കോളജ് വിദ്യാര്‍ഥികളുടെ മനസില്‍ തളിരിട്ട നന്മയില്‍ നിര്‍ധന കുടുംബത്തിന് വാസ യോഗ്യമായ വീടൊരുങ്ങി. വ്യാസ കോളജിലെ എന്‍.എസ്.എസ് യൂനിറ്റുകളുടെ കാരുണ്യത്തിലാണ് കുമ്പളങ്ങാട് ചേറ്റുവളപ്പില്‍ കാളിക്ക് വാസ യോഗ്യമായ വീടൊരുങ്ങിയത് അധ്യാപകര്‍  വിദ്യാര്‍ഥികള്‍  നാട്ടുകാര്‍ എന്നിവരുടെ സഹകരണത്തോടെ നടപ്പിലാക്കിയ പദ്ധതിയുടെ താക്കോല്‍ദാനം ആഘോഷ നിറവില്‍ നടന്നു പ്രിന്‍സിപ്പാല്‍ സുഭാഷ് ചന്ദ്രന്‍, കാളിയ്ക്ക് താക്കോല്‍ കൈമാറി. എന്‍ എസ് എസ് ഓഫിസര്‍മാരായ എം. എം. ധന്യ, എസ്. വിനീത്, അധ്യാപകര്‍, വിദ്യാര്‍ഥികള്‍   ചടങ്ങില്‍ പങ്കെടുത്തു.