വെങ്കിടങ്ങ്: ഏനാമാക്കല്‍ സെന്റ് ജോസഫ് ഹൈസ്‌കൂളില്‍ ഒന്നാന്തരം ഒന്നാം ക്ലാസ് പദ്ധതിയുടെ ഭാഗമായി നിര്‍മാണം പൂര്‍ത്തിയായ ക്ലാസ് മുറിയുടെ ഉദ്ഘാടനം ഇന്ന് നടക്കും. ഉച്ചക്ക് രണ്ടിന് സ്‌കൂളില്‍ നടക്കുന്ന ചടങ്ങില്‍ മുരളി പെരുനെല്ലി എം.എല്‍.എ വിദ്യാര്‍ഥികള്‍ക്ക് സമര്‍പ്പിക്കും. രണ്ട് ലക്ഷം രൂപ ചെലവഴിച്ചാണ് ഒന്നാം ക്ലാസിനെ നിര്‍മാണം നടത്തിയത്. ഗ്രാനൈറ്റിലാണ് നിലം പൂര്‍ത്തിയാക്കിയത്.
ഒരിക്കലും മാഞ്ഞു പോകാത്ത ചായക്കൂട്ടില്‍ തീര്‍ത്ത ചുമര്‍ചിത്രങ്ങള്‍ വിദ്യാര്‍ഥികളെ ആകര്‍ഷിക്കാന്‍ പോന്നവയാണ്. മുന്ന് വിദ്യാര്‍ഥികള്‍ക്ക് വീതം ഇരിക്കാവുന്ന ഇരിപ്പിടം ആധുനിക രീതിയിലുള്ളതാണ്. ആവിശ്യമായ ഫാനുകള്‍ വെളിച്ചം കിട്ടാള്ള ടൂബ് ലൈറ്റുകള്‍, വിശാലമായ ബ്ലാക്ക് ബോര്‍ഡ് തുടങ്ങിയവ ക്ലാസ് മുറിയുടെ പ്രത്യകതകളാണ്.
സക്കുളിന്റെ 130ാം വാര്‍ഷിക ആഘോഷത്തിന്റെ ഭാഗമായി സുവനീര്‍ കമ്മിറ്റി നല്‍കിയ ഒരു ലക്ഷവും മാനേജ്‌മെന്റ് നല്‍കിയ തുകയും ചേര്‍ത്താണ് ഇതിനുള്ള ഫണ്ട് കണ്ടെത്തിയതെന്ന് സക്കൂള്‍ പ്രധാന അധ്യാപകന്‍ പി.ടി ചാക്കോ പറഞ്ഞു.