വടക്കാഞ്ചേരി: കരുതക്കാട് മഹല്ല് കമ്മിറ്റിയുടെ നേതൃത്വത്തില്‍ കുടുംബ സംഗമം നടന്നു നൂറുല്‍ ഹുദാ മദ്‌റസയില്‍ വെച്ച് നടന്ന സംഗമം മഹല്ല് ഖതീബ് അബൂബക്കര്‍ സിദ്ധീഖ് ദാരിമി അല്‍ ഹൈത്തമി ഉദ്ഘാടനം ചെയ്തു. മഹല്ല് പ്രസിഡന്റ്  പി.എ.മുഹമ്മദ് കുട്ടി അധ്യക്ഷനായി. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് മുഫത്തിശ് ഫസലുറഹ്മാന്‍ ഫൈസി മുഖ്യ പ്രഭാഷണം നടത്തി. സമസ്ത പൊതു പരീക്ഷയില്‍ റാങ്ക് നേടിയ വിദ്യാര്‍ഥികള്‍ക്കുള്ള  ഉപഹാരം  ഓട്ടുപാറ റൈഞ്ച് ജംഇയ്യത്തുല്‍ മുഅല്ലിമീന്‍ പ്രസിഡന്റ്  യൂസഫ് ഫൈസി വിതരണം ചെയ്തു. ഓട്ടുപാറ റൈഞ്ച് സെക്രട്ടറി ഇബ്രാഹിം അന്‍വരി, സ്വദര്‍ മുഅല്ലിം മൂസല്‍ ഫൈസി, അബൂബക്കര്‍ ദര്‍സി സംസാരിച്ചു. മഹല്ല് സെക്രട്ടറി ടി.എച്ച്.മുഹമ്മദ് ഷെഫീക്ക് സ്വാഗതവും, സ്റ്റാഫ് സെക്രട്ടറി ഷെഫീക്ക് ദാരിമി നന്ദിയും പറഞ്ഞു.