ഇന്ന് ചെറിയ പെരുന്നാള്‍

റമദാന്‍ മുപ്പത് പൂര്‍ത്തിയാക്കി വിശ്വാസി സമൂഹം ഇന്ന് ചെറിയ പെരുന്നാള്‍ ആഘോഷിക്കും. വ്രതചൈതന്യത്തിന്റെ ഊര്‍ജ പ്രവാഹത്തില്‍ തക്ബീര്‍ ധ്വനികള്‍ ഉരുവിട്ടും പരസ്പരം ആശ്ലേഷിച്ചും ആശംസകള്‍ നേര്‍ന്നും കേരളത്തിലെ മുസ് ലിം സമൂഹം ചെറിയ പെരുന്നാള്‍ സ്നേഹം കൈമാറും.

പുണ്യങ്ങളുടെ നിറവസന്തം തീര്‍ത്ത റമദാനില്‍ നേടിയ പവിത്രത ജീവിതത്തില്‍ കാത്തുസൂക്ഷിക്കാമെന്ന പ്രതിജ്ഞയോടെയാണ് വിശ്വാസികള്‍ റമദാനിനോട് വിടപറഞ്ഞത്. അഞ്ച് വെള്ളിയാഴ്ചകള്‍ ലഭിച്ചുവെന്ന പ്രത്യേകതയും ഇത്തവണത്തെ റമദാനിനുണ്ട്.

ഈദ് ആഘോഷം കരുതലോടെയും ജാഗ്രതയോടെയും ആയിരിക്കണമെന്ന് മതനേതാക്കള്‍ ആഹ്വാനം ചെയ്തിട്ടുണ്ട്.