ഡിസപ്പിയറിങ് മെസേജുകള്‍ സേവ് ചെയ്തുവെക്കാം, പുതിയ ഫീച്ചര്‍ അവതരിപ്പിച്ച് വാട്‌സ്അപ്പ്

വാട്‌സ്അപ്പിന്റെ മികച്ച പ്രൈവസി ഫീച്ചറുകളില്‍ ഒന്നാണ് ഡിസപ്പിയറിങ് മെസേജസ്. ഒരു നിശ്ചിത സമയത്തിന് ശേഷം അയച്ച സന്ദേശങ്ങള്‍ അപ്രത്യക്ഷമാകാന്‍ സഹായിക്കുന്ന ഫീച്ചറാണ് ഇത്. ഈ ഫീച്ചര്‍ ഉപയോഗിക്കുന്നതിലൂടെ മെസേജ് ലഭിക്കുന്ന ആളുകള്‍ ദുരുപയോഗം ചെയ്യുന്നതില്‍ നിന്നും അത് സൂക്ഷിച്ചുവെക്കാതിരിക്കുന്നതിനും സഹായിക്കുന്നു.

എന്നാല്‍ ഇപ്പോള്‍ അങ്ങനെ ഡിസപ്പിയറിങ് ആവുന്ന മെസേജുകളും സേവ് ചെയ്യാന്‍ സാധിക്കുന്ന ഒരു ഫീച്ചര്‍ അവതരിപ്പിച്ചിരിക്കുകയാണ് വാട്‌സ്അപ്പ്. കീപ്പ് ഇന്‍ ചാറ്റ് എന്ന പുതിയ ഫീച്ചറിലൂടെ ഡിസപ്പിയറിങ് ആവുന്ന മെസേജുകള്‍ ലഭിക്കുന്ന ആളുകള്‍ക്ക് അത് സേവ് ചെയ്ത് വെക്കാന്‍ സാധിക്കും.

അപ്പോള്‍ നിങ്ങള്‍ക്കൊരു സംശയമുണ്ടാകാം. പിന്നെന്തിനാണ് ഡിസപ്പിയറിങ് മെസേജ് ഫീച്ചറെന്ന്. എന്നാല്‍ അതില്‍ കാര്യമുണ്ട്. നിങ്ങള്‍ അയച്ച മെസേജ് ലഭിച്ച ആള്‍ കീപ്പ് ചെയ്തു വെക്കുന്നുണ്ടെങ്കില്‍ ഇക്കാര്യം നിങ്ങള്‍ക്ക് അറിയുവാന്‍ സാധിക്കും. ഇങ്ങനെ നിങ്ങള്‍ അയച്ച മെസേജ് കീപ്പ് ചെയ്യുന്നത് ഇഷ്ടമില്ലെങ്കില്‍ അത് അണ്‍കീപ്പ് ചെയ്യാനുള്ള അധികാരം വാട്‌സ്അപ്പ് നിങ്ങള്‍ക്ക് നല്‍കുന്നുണ്ട്.

വാട്ട്‌സ്ആപ്പില്‍ സേവ് ചെയ്ത സന്ദേശങ്ങള്‍ ഒരു ബുക്ക്മാര്‍ക്ക് ഐക്കണോടുകൂടി ലേബല്‍ ചെയ്യപ്പെടും. കൂടാതെ ഉപയോക്താക്കള്‍ക്ക് ഈ സന്ദേശങ്ങള്‍ കെപ്റ്റ് മെസേജ് എന്ന ഓപ്ഷനില്‍ കാണാനാകും.

'keep-in-chat'-feature-for-disappearing-messages