അബുദാബിയിലുണ്ടായ വാഹനാപകടത്തില്‍ പാലക്കാട് സ്വദേശിക്ക് ദാരുണാന്ത്യം

അബൂദബി: ബനിയാസിലുണ്ടായ വാഹനാപകടത്തില്‍ പാലക്കാട് സ്വദേശി മരിച്ചു. പാലക്കാട് തൃത്താല പരുതൂര്‍ പഞ്ചായത്തിലെ കരുവാന്‍പടി ചൊഴിയാംപറമ്പത്ത് സുബീഷ് (36) ആണ് മരിച്ചത്. വെള്ളിയാഴ്ചയാണ് അപകടമുണ്ടായത്.

വാഹനത്തില്‍ സുബീഷിനൊപ്പം മറ്റ് മൂന്നുപേര്‍ കൂടെയുണ്ടായിരുന്നു. ഇവരില്‍ കോട്ടയം കൂത്താട്ടുകുളം വെട്ടകല്ലുങ്കല്‍ റോബിന്‍ ഗുരുതര പരുക്കുകളോടെ അബുദബി ശൈഖ് ശഖ്ബൂത്ത് മെഡിക്കല്‍ സിറ്റി ആശുപത്രിയില്‍ ചികിത്സയിലാണ്.

പരുക്കേറ്റ മറ്റ് രണ്ടുപേരും ചികിത്സ തേടിയിട്ടുണ്ട്. അബുദാബിയില്‍ കാര്‍പെന്റര്‍ ആയി ജോലി ചെയ്യുകയായിരുന്നു സുബീഷ്. ഈ ഒക്ടോബറില്‍ വിവാഹം നടക്കാനിരിക്കെയാണ് മരണം.