van-accident-at-pooppara

തൊടുപുഴ: ഇടുക്കി പൂപ്പാറയില്‍ ടൂറിസ്റ്റ് വാന്‍ കൊക്കയിലേക്ക് മറിഞ്ഞ് തമിഴ്‌നാട് സ്വദേശികളായ നാലുപേര്‍ മരിച്ചു. തിരുനെല്‍വേലി സ്വദേശികളായ സി. പെരുമാള്‍ (59), വള്ളിയമ്മ (70), സുധ (20), സുശീന്ദ്രന്‍ എന്നിവരാണ് മരിച്ചത്. 17 പേര്‍ക്ക് പരുക്കേറ്റിട്ടുണ്ട്.

ഇരുപതോളം പേര്‍ വാഹനത്തിലുണ്ടായിരുന്നു. ഗുരുതരാവസ്ഥയിലായ ആറ് പേരെ തേനി മെഡിക്കല്‍ കോളജിലേക്ക് മാറ്റി. ഇന്ന് വൈകീട്ട് 6.45 ന് തൊണ്ടിമല ഇരച്ചില്‍പാറയ്ക്ക് സമീപമാണ് അപകടമുണ്ടായത്. നിയന്ത്രണം നഷ്ടപ്പെട്ട വാന്‍ വളവ് തിരിയാതെ കൊക്കയിലേക്ക് മറിയുകയായിരുന്നു. നാട്ടുകാരും ഇതുവഴി വന്ന യാത്രക്കാരും ചേര്‍ന്നാണ് രക്ഷാപ്രവര്‍ത്തനം നടത്തിയത്.

മൂന്നാറില്‍ വിവാഹത്തില്‍ പങ്കെടുക്കാനെത്തിയവരാണ് ഇവരെന്നാണ് വിവരം. മടക്കയാത്രയിലാണ് അപകടം ഉണ്ടായത്.