'ഇനി മുതല്‍ ഒരു വാട്‌സ്ആപ്പ് അക്കൗണ്ട് ഒരേ സമയം ഒന്നിലധികം ഉപകരണങ്ങളില്‍ പ്രവര്‍ത്തിപ്പിക്കാം

വാട്‌സ്ആപ്പ് ഉപയോക്താക്കള്‍ക്ക് ഇനിമുതല്‍ സ്വന്തം അക്കൗണ്ട് ഒരേ സമയം മറ്റു ഫോണുകളിലും ഉപയോഗിക്കാം. മെറ്റ സി.ഇ.ഒ സുക്കര്‍ ബര്‍ഗാണ് ഈമാറ്റം ഫേസ്ബുക്കിലൂടെ പങ്കുവച്ചത്. കൂടുതല്‍ മാറ്റങ്ങളാണ് ഈയിടെയായി വാട്‌സാപ്പില്‍ വന്നിട്ടുള്ളത്. വാട്‌സ്ആപ്പ് അക്കൗണ്ട് തന്നെ ഒരേ സമയത്ത് നാല് മൊബൈലില്‍ തുറക്കാനുള്ള സംവിധാനമാണ് പുതിയതായി കൂട്ടിച്ചേര്‍ത്തിട്ടുള്ളത്.

വരും ആഴ്ചകളില്‍ത്തന്നെ ലോകമെങ്ങും ഈ പുതിയ ഫീച്ചര്‍ പ്രാബല്യത്തില്‍വരും. നിലവില്‍ വെബ് ബ്രൗസര്‍ വഴിയോ പിസി ആപ്ലിക്കേഷനുകള്‍ വഴിയോ ഉപയോഗിക്കാമായിരുന്നു. എന്നാല്‍ ആദ്യമായാണ് വിവിധ സ്മാര്‍ട് ഡിവൈസുകളില്‍ ഒരേസമയം ഒരു അക്കൗണ്ട് തുറക്കാന്‍ സാധിക്കുന്നത്.

പ്രൈമറിയായി ഒരു ഫോണ്‍ ഉണ്ടായിരിക്കണം. ഈ ഫോണ്‍ വഴി മറ്റു ഡിവൈസുകളിലെ അക്കൗണ്ടുകള്‍ ഓതറൈസ് ചെയ്യുന്നത്. വാട്‌സാപ് വെബ് ഉപയോഗിക്കുന്നതുപോലെ ക്യുആര്‍ കോഡ് സ്‌കാന്‍ ചെയ്താണ് ഈ ഡിവൈസുകളില്‍ അക്കൗണ്ട് ഓതറൈസ് ചെയ്യേണ്ടത്.