ശ്രീനഗര്‍: മുന്‍ പ്രധാനമന്ത്രി നെഹ്‌റുവിനെ വിമര്‍ശിച്ച് ബി.ജെ.പി. നെഹ്‌റുവിയന്‍ മോഡലിന്റെ പരാജയത്തിന്റെ ഉദാഹരണമാണ് ജമ്മു കശ്മിരെന്ന് കേന്ദ്രമന്ത്രി ജിതേന്ദ്ര സിങ് പറഞ്ഞു. നെഹ്‌റുവിന്റെ സാമ്പത്തിക നയങ്ങള്‍ പരാജയമായിരുന്നുവെന്ന് കഴിഞ്ഞ ദിവസം കേന്ദ്ര ധനമന്ത്രി അരുണ്‍ ജയ്റ്റ്‌ലി അഭിപ്രായപ്പെട്ടിരുന്നു. ജമ്മുവില്‍ ബി.ജെ.പി റാലിയില്‍ പ്രസംഗിക്കവെയാണ് ജിതേന്ദ്ര സിങ് അഭിപ്രായപ്രകടനം നടത്തിയത്. ബലൂചിസ്താനില്‍ പാകിസ്താന്‍ നടത്തുന്ന മനുഷ്യാവകാശ ലംഘനം ചൂണ്ടിക്കാട്ടേണ്ടത് ഇന്ത്യയുടെ പ്രതിരോധത്തിന് അനിവാര്യമാണ്. അയല്‍രാജ്യത്തെ സ്ഥിതിഗതികള്‍ നമ്മളേയും ബാധിക്കുമെന്നും ജിതേന്ദ്ര സിങ് പറഞ്ഞു.