ഇസ്‌ലാമാബാദ്:  കശ്മിര്‍ പ്രശ്‌നത്തില്‍ ഇന്ത്യയ്‌ക്കെതിരേയുള്ള നിലപാടുമായി  ഓര്‍ഗനൈസേഷന്‍ ഓഫ് ഇസ്‌ലാമിക് കോര്‍പറേഷന്‍(ഒ.ഐ.സി) .  കശ്മിരില്‍ അടിയന്തര ഇടപെടല്‍ വേണമെന്നും മനുഷ്യാവകാശ ലംഘനം നടക്കുന്നുവെന്നുമാണ് സംഘടനയുടെ കുറ്റപ്പെടുത്തല്‍.
ശനിയാഴ്ച പാകിസ്താനിലുള്ള  ഒ.ഐ.സി ഭാരവാഹികളെ കണ്ടു ചര്‍ച്ച നടത്തിയതിന് ശേഷമാണ് കശ്മിര്‍ വിഷയത്തില്‍ ഇന്ത്യക്കെതിരേ ഒളിയമ്പുമായി സംഘടന  രംഗത്തെത്തിയത്.
കശ്മിരിലെ സാഹചര്യം കൂടുതല്‍ സങ്കീര്‍ണതകളിലേക്കാണ് പോകുന്നതെന്ന് ഓര്‍ഗനൈസേഷന്‍ ഓഫ് ഇസ്‌ലാമിക് കോര്‍പറേഷന്‍ സെക്രട്ടറി ജനറല്‍ റിയാദ് മദനി ഇസ്‌ലാമാബാദില്‍ നടത്തിയ വാര്‍ത്താ സമ്മേളനത്തില്‍ പറഞ്ഞു. കശ്മിര്‍ പ്രശ്‌നം  അതീവ ഗുരുതരമാണെന്നും ഇത് തുടരാന്‍ അനുവദിക്കരുതെന്നും ഇയാദ് മദനി പറഞ്ഞു.