പുതുച്ചേരി: പുതുച്ചേരിയില്‍ കൊവിഡ് പോസിറ്റിവിറ്റി നിരക്ക് 6 ശതമാനമായി കുറഞ്ഞു. ഇന്ന് 545 പേര്‍ക്ക് മാത്രമാണ് രോഗബാധ. മെയ് ആദ്യ ആഴ്ചയില്‍ 26 ശതമാനം കടന്ന പോസിറ്റിവിറ്റി നിരക്കാണ് 6 ശതമാനമായി കുറഞ്ഞത്.

കൊവിഡ് ബാധിച്ച് മരിച്ചവരുടെ എണ്ണത്തിലും വലിയ കുറവാണ് രേഖപ്പെടുത്തിയത്. കഴിഞ്ഞ 45 ദിവസത്തിനിടെ ആദ്യമായി മരണ സംഖ്യം ഒറ്റ അക്കത്തിലേക്ക് താഴ്ന്നു. ആറുപേരാണ് പുതുതായി കൊവിഡ് ബാധിച്ച് മരിച്ചത്. ഇതോടെ ആകെ മരണ സംഖ്യ 1,644 ആയി. പുതുച്ചേരിയില്‍ ലോക്ക്ഡൗണ്‍ 14 വരെ നീട്ടിയിരുന്നു. പ്രദേശത്ത് കൊവിഡ് ബാധിതരുടെ എണ്ണത്തില്‍ കുറവുണ്ടായതിന് പിന്നാലെ നിയന്ത്രണങ്ങളില്‍ കൂടുതല്‍ ഇളവ് നല്‍കിയാണ് ഒരാഴ്ച കൂടി ലോക്ക്ഡൗണ്‍ നീട്ടിയത്.