റിയോ ഡി ജനീറോ: ഒളിംപിക്‌സില്‍ ഫുട്‌ബോളിലെ വെങ്കല പോരാട്ടത്തില്‍ നൈജീരിയക്ക് ജയം. ഹോണ്ടുറാസിനെ രണ്ടിനെതിരേ മൂന്നു ഗോളുകള്‍ക്ക് തകര്‍ക്കുകയായിരുന്നു. റിയോയില്‍ നൈജീരിയയുടെ ആദ്യ മെഡലാണിത്. സാദിഖ് ഉമര്‍ നൈജീരിയക്കായി ഇരട്ട ഗോള്‍ നേടി. ശേഷിച്ച ഗോള്‍ അമിനു ഉമര്‍ സ്വന്തമാക്കി.
ഇഞ്ചോടിഞ്ച് പോരാട്ടമാണ് ഇരുടീമുകളും പുറത്തെടുത്തത്.
ആദ്യ ഘട്ടത്തില്‍ മൂന്നു ഗോളിന്റെ ലീഡെടുത്ത നൈജീരിയ വമ്പന്‍ ജയം ഉറപ്പിച്ചു നില്‍ക്കെ ആന്റണി ലോസാനോ, മാര്‍സലോ പരേര എന്നിവരുടെ ഗോളില്‍ ശക്തമായി തിരിച്ചു വരാന്‍ ഹോണ്ടുറാസിന് സാധിച്ചു. എന്നാല്‍ അവസാന നിമിഷം മികച്ച രീതിയില്‍ പ്രതിരോധിച്ച നൈജീരിയ മത്സരം സ്വന്തമാക്കുകയായിരുന്നു.