റിയോ ഡി ജനീറോ: 31 ാമത് വിശ്വകായികമേളയ്ക്ക് കൊടിയിറക്കം. ഇനി 2020 ല്‍ ജപ്പാനിലെ ജപ്പാനിലെ ടോക്കിയയില്‍ കാണാം എന്ന വിശ്വസത്തോടെ. 16 ദിനരാത്രങ്ങളിലെ കായിക മാമാങ്കങ്ങളുടെ ഓര്‍മകള്‍ ഇനി നാലു വര്‍ഷങ്ങള്‍ക്കപ്പുറം ടോക്കിയോക്കായി കാത്തിരിക്കാം.

വര്‍ണാഭമായ ചടങ്ങുകളോടെ ഇന്ത്യന്‍ സമയം പുലര്‍ച്ചെ 4.30നാണ് സമാപനച്ചടങ്ങുകള്‍ ആരംഭിച്ചത്. ഇന്ത്യക്കു റിയോ ഒളിമ്പിക്‌സില്‍ ആദ്യ മെഡല്‍ സമ്മാനിച്ച സാക്ഷി മാലിക്കാണ് സമാപന ചടങ്ങില്‍ ഇന്ത്യന്‍ ദേശീയപതാകയേന്തിയത്. ഒളിമ്പിക് പതാക ടോക്കിയോ ഗവര്‍ണര്‍ യുറീക്കോ കോയിക്കെയ്ക്കു കൈമാറിയതോടെ റിയോ ഒളിംപിക്‌സിന് തിരശീല വീണു.

46 സ്വര്‍ണവും 37 വെള്ളിയും 38 വെങ്കലവുമായി അമേരിക്ക മെഡല്‍ വേട്ടയില്‍ ഒന്നാം സ്ഥാനം നിലനിര്‍ത്തിയപ്പോള്‍ ചൈന മൂന്നാം സ്ഥാനത്തേക്ക് പിന്തള്ളപ്പെട്ടു. ബ്രിട്ടന്‍ രണ്ടാമതായി.

മൈക്കല്‍ ഫെല്‍പ്‌സും ഉസൈന്‍ ബോള്‍ട്ടും മഹാരഥന്മാരായി ഉയര്‍ന്നപ്പോള്‍ ഇന്ത്യയ്ക്ക് നിരാശയുടേതായിരുന്നു റിയോ ഒളിംപിക്‌സ്. എന്നാല്‍ ബാഡ്മിന്റണില്‍ സിന്ധുവിന്റെ വെള്ളിയും ഗുസ്തിയില്‍ സാക്ഷിയുടെ വെങ്കലവും ജിംനാസ്റ്റിക്കില്‍ ദിപ കര്‍മാക്കറുടെ നാലാം സ്ഥാനവുമാണ് ഇന്ത്യയ്ക്ക് അഭിമാനം നല്‍കിയത്.

ഇനി ടോക്കിയോയില്‍ കാണാം. കാലം കാത്തുവച്ചിരിക്കുന്ന വിസ്മയങ്ങള്‍ക്കായി ടോക്കിയോ ഒളിംപിക്‌സിനായി കാത്തിരിക്കാം.