മൊഗാദിശു: സൊമാലിയയിലെ ഗാല്‍ക്കായോ നഗരത്തിലുണ്ടായ ഇരട്ട സ്‌ഫോടനത്തില്‍ 20 പേര്‍ കൊല്ലപ്പെട്ടതായി റിപ്പോര്‍ട്ട്. നിരവധി പേര്‍ക്ക് പരുക്കേറ്റിട്ടുണ്ട്.

സര്‍ക്കാര്‍ ആസ്ഥാനത്താണ് ആദ്യ സ്‌ഫോടനമുണ്ടായത്. ആദ്യ സ്‌ഫോടനത്തിന്റെ രക്ഷാ പ്രവര്‍ത്തനത്തിനിടെയാണ് രണ്ടാമത്തെ സ്ഫോടനമുണ്ടായത്. ആദ്യം ട്രക്ക്‌ബോംബ് സ്ഫോടനവും പിന്നീട് കാര്‍ബോംബ് സ്‌ഫോടനവുമാണ് നടന്നത്. കൊല്ലപ്പെട്ടവരില്‍ അധികവും സ്‌കൂള്‍ വിദ്യാര്‍ഥികളും സാധാരണക്കാരുമാണെന്ന് പൊലിസ് പറഞ്ഞു. സംഭവത്തില്‍ ഒരു പൊലിസ് ഉദ്യോഗസ്ഥനും കൊല്ലപ്പെട്ടിട്ടുണ്ട്.

രാജ്യത്തെ അര്‍ധ സ്വയംഭരണ മേഖലയായ പുന്റ്‌ലാന്റിലാണ് ആക്രമണമുണ്ടയത്. ആക്രമണത്തിെന്റ ഉത്തരവാദിത്തം സൊമാലിയയിലെ തീവ്രവാദി സംഘടനയായ അല്‍ശബാബ് ഏറ്റെടുത്തിട്ടുണ്ട്.