തൊടുപുഴ: തിരുവനന്തപുരത്ത് കെപിസിസി ഓഫീസ് ആക്രമിച്ചതിലും ഡിസിസി പ്രസിഡന്റിന്റെ കാര്‍ തടഞ്ഞ് ആക്രമിച്ചതിലും പ്രതിഷേധിച്ച് തൊടുപുഴ പൊലിസ് സ്റ്റേഷനിലേക്ക് കോണ്‍ഗ്രസ് നടത്തിയ മാര്‍ച്ചില്‍ സംഘര്‍ഷം. സംഘര്‍ഷത്തില്‍ യൂത്ത് കോണ്‍ഗ്രസ് ജില്ലാ സെക്രട്ടറി ബിലാല്‍ സമദിന് ഗുരുതര പരുക്കേറ്റു. ഇയാളുടെ കണ്ണിനാണ് പരുക്കേറ്റത്. മറ്റു മൂന്ന് പേര്‍ക്കും പരുക്കുണ്ട്. പ്രതിഷേധക്കാര്‍ സി.പി.എമ്മിന്റെ കൊടിമരം തകര്‍ത്തു. പിന്നീട് റോഡ് ഉപരോധിച്ചു.
ബിലാലിനെ വിദഗ്ധ ചികിത്സക്കായി അങ്കാമാലിയിലെ സ്വകാര്യ ആശുപത്രിയിലേയ്ക്ക് മാറ്റി. നാല് പൊലിസുകാര്‍ക്കും പരുക്കുണ്ട്. ഇന്ന് രാവിലെ മിനി സിവില്‍ സ്റ്റേഷന് മുന്നില്‍ മാര്‍ച്ച് പൊലിസ് തടയാല്‍ ശ്രമിച്ചെങ്കിലും പ്രവര്‍ത്തകര്‍ മുന്നോട്ടുപോയി. തുടര്‍ന്ന് പൊലിസ് ലാത്തിവീശി. ഇതിലാണ് പ്രവര്‍ത്തകര്‍ക്ക് പരുക്കേറ്റത്.