തിരുവനന്തപുരം: കെ.പി.സി.സി ഓഫിസിനെതിരായ ആക്രമണത്തില്‍ മുന്നണിയെ വിയോജിപ്പ് അറിയിച്ച് സി.പി.ഐ. എല്‍.ഡി.എഫ് യോഗത്തില്‍ വച്ചാണ് സി.പി.ഐ വിയോജിപ്പ് അറിയിച്ചത്. രാഷ്ട്രീയ പാര്‍ട്ടികളുടെ ഓഫീസുകള്‍ക്ക് നേരെ പ്രതിഷേധിക്കരുതെന്ന് മുന്‍ ധാരണയുണ്ടെന്ന് സി.പി.ഐ അറിയിച്ചു.

സംസ്ഥാനത്തെ നിരവധി കോണ്‍ഗ്രസ് ഓഫിസുകള്‍ക്ക് നേരെ ആക്രമണം നടന്നിട്ടുണ്ട്. മുഖ്യമന്ത്രിക്കെതിരായ പ്രതിപക്ഷ ആരോപണങ്ങളില്‍ രാഷ്ട്രീയ പ്രതിരോധത്തിനൊരുങ്ങുകയാണ് എല്‍.ഡി.എഫ്. ജില്ലകളില്‍ റാലിയും വിശദീകരണ യോഗവും സംഘടിപ്പിക്കും.