വാഷിങ്ടണ്‍: അമേരിക്കയുടെയും ഇഇസ്‌റാഈലിന്റെയും യുദ്ധക്കുറ്റങ്ങള്‍ ചൂണ്ടിക്കാട്ടിയ പ്രസ്താവനയുടെ പേരില്‍ യുഎസ് കോണ്‍ഗ്രസ് അംഗം ഇല്‍ഹാന്‍ ഉമറിന് വധഭീഷണി. അഫ്ഗാനിസ്താനിലെയും ഫലസ്തീനിലെയും യുദ്ധക്കുറ്റങ്ങളിലുള്ള രാജ്യാന്തര കോടതിയുടെ അന്വേഷണത്തെ എതിര്‍ത്ത യുഎസ് നടപടിയെ ചൂണ്ടിക്കാട്ടിയായിരുന്നു ഇല്‍ഹാന്റെ വിമര്‍ശനം. ജൂണ്‍ ഏഴിന് യുഎസ് കോണ്‍ഗ്രസിന്റെ വിദേശകാര്യ വകുപ്പില്‍ നടന്ന വാദം കേള്‍ക്കലിനിടെയായിരുന്നു ഇല്‍ഹാന്റെ പരാമര്‍ശം.

ഇല്‍ഹാന്റെ പ്രസ്താവനക്കെതിരെ ഡെമോക്രാറ്റിക്-റിപബ്ലിക്കന്‍ പ്രതിനിധികളില്‍നിന്നും വിമര്‍ശനം ഉയര്‍ന്നിരുന്നു.

നിരവധി വധഭീഷണി സന്ദേശങ്ങളും ഫോണ്‍വിളികളുമാണ് ഇല്‍ഹാന്റെ ഓഫിസിലേക്ക് പ്രവഹിക്കുന്നത്. വധഭീഷണി കോളുകളില്‍ ഒന്ന് ഇല്‍ഹാന്‍ ട്വിറ്ററില്‍ പങ്കുവയ്ക്കുകയും ചെയ്തിട്ടുണ്ട്. മുസ്‌ലിങ്ങള്‍ തീവ്രവാദികളാണെന്നു പറയുന്ന സന്ദേശത്തില്‍ ഇല്‍ഹാനെ വംശീയമായി അധിക്ഷേപിക്കുകയും വധഭീഷണി മുഴക്കുകയും ചെയ്യുന്നുണ്ട്.

Citing an open case against Israel, US, Hamas & Taliban in the ICC isn’t comparison or from “deeply seated prejudice”. You might try to undermine these investigations or deny justice to their victims but history has thought us that the truth can’t be hidden or silenced forever.

— Ilhan Omar (@IlhanMN) June 10, 2021

മനുഷ്യാവകാശ പ്രശ്നങ്ങളെക്കുറിച്ച് തുറന്നുപറയുമ്പോഴെല്ലാം ഇത്തരത്തില്‍ വലിയ തോതിലുള്ള വധഭീഷണികളാണ് തനിക്കു ലഭിക്കുന്നതെന്ന് അവര്‍ ട്വീറ്റില്‍ സൂചിപ്പിച്ചു. ഇല്‍ഹാനു പിന്തുണയുമായി മിഷിഗണില്‍നിന്നുള്ള കോണ്‍ഗ്രസ് അംഗമായ റാഷിദ തലൈബും രംഗത്തെത്തിയിട്ടുണ്ട്.

Citing an open case against Israel, US, Hamas & Taliban in the ICC isn’t comparison or from “deeply seated prejudice”. You might try to undermine these investigations or deny justice to their victims but history has thought us that the truth can’t be hidden or silenced forever.

— Ilhan Omar (@IlhanMN) June 10, 2021