ന്യൂഡല്‍ഹി: ബി.ജെ.പിയിലേക്കെന്ന അഭ്യൂഹങ്ങള്‍ പരക്കുന്നതിനിടെ സച്ചിന്‍ പൈലറ്റ് ഡല്‍ഹിയില്‍. കോണ്‍ഗ്രസ് നേതൃത്വത്തെ കാണുമെന്നാണ് വിവരം. രാജസ്ഥാന്‍ മുഖ്യമന്ത്രി അശോക് ഗെഹ്ലോട്ടുമായി ഉടലെടുത്ത അഭിപ്രായഭിന്നതയില്‍ നേതൃത്വം മുന്നോട്ട് വെച്ച വാഗാദാനങ്ങള്‍ പാലിക്കാത്തതിനെത്തുടര്‍ന്നാണ് കൂടിക്കാഴ്ച്ചയെന്നാണ് സൂചന.

നേരത്തെ ജിതിന്‍ പ്രസാദ കോണ്‍ഗ്രസ് വിട്ട് ബി.ജെ.പിയില്‍ ചേര്‍ന്നതിന് പിന്നാലെ അടുത്തതായി സച്ചിന്‍ പൈലറ്റ് പാര്‍ട്ടി വിടുമെന്ന തരത്തില്‍ വാര്‍ത്തകള്‍ പുറത്തുവന്നിരുന്നു. എന്നാല്‍ ഇത്തരം വാര്‍ത്തകളോട് രൂക്ഷമായി പ്രതികരിച്ച പൈലറ്റ് ബി.ജെ.പി. നേതാക്കളെ കടന്നാക്രമിക്കുകയും ചെയ്തിരുന്നു.

മുന്‍ കോണ്‍ഗ്രസ് നേതാവായ എംഎസ് ജോഷി, താന്‍ പൈലറ്റുമായി സംസാരിച്ചുവെന്നും ഉടന്‍ തന്നെ ബിജെപിയില്‍ ചേരുമെന്ന് വിശ്വസിക്കാന്‍ കാരണമുണ്ടെന്നും അവകാശപ്പെട്ടിരുന്നു. ഇതിനു പിന്നാലെ,

''സച്ചിനോട് സംസാരിച്ചുവെന്ന് റിത ബാഹുഗുന ജോഷി പറഞ്ഞു. സച്ചിന്‍ സച്ചിന്‍ സംസാരിച്ചിരിക്കാം. എന്നോട് സംസാരിക്കാന്‍ അവര്‍ക്ക് ധൈര്യമില്ല,'' പൈലറ്റ് പറഞ്ഞു.