പുതിയ റെക്കോര്‍ഡിട്ട് സ്വര്‍ണവില

ചരിത്രത്തിലെ ഏറ്റവും ഉയര്‍ന്ന നിരക്കില്‍ സ്വര്‍ണവില. ഒരു പവന് സ്വര്‍ണത്തിന് ഇന്ന് 160 രൂപയാണ് വര്‍ധിച്ചത്. വിപണിയില്‍ ഒരു പവന്‍ സ്വര്‍ണത്തിന്റെ ഇന്നത്തെ വിപണി വില 45,760 രൂപയാണ്. ഗ്രാമിന് 20 രൂപ വര്‍ധിച്ച് 5720 രൂപയായി. മൂന്ന് ദിവസം കൊണ്ട് 1200 രൂപയാണ് വര്‍ധിച്ചത്. യുഎസിലെ ബാങ്ക് പ്രതിസന്ധി അടക്കമുള്ള സാഹചര്യങ്ങളാണ് സ്വര്‍ണവിലയില്‍ പ്രതിഫലിക്കുന്നത്.

തുടര്‍ച്ചയായ മൂന്നാം ദിനവും വെള്ളിയുടെ വിലയും വര്‍ധിച്ചു. ഒരു രൂപ വര്‍ധിച്ച് 84 രൂപയായി. അതേസമയം ഹാള്‍മാര്‍ക്ക് വെള്ളിയുടെ വിലയില്‍ മാറ്റമില്ല. ഒരു ഗ്രാം ഹാള്‍മാര്‍ക്ക് വെള്ളിയുടെ വില 103 രൂപയാണ്.