വാക്‌സിനെടുത്തവര്‍ക്ക് ക്വാറന്റൈന്‍ ഒഴിവാക്കാം
റിയാദ്: പ്രവാസികള്‍ക്ക് ഏറെ ആശ്വാസമേകുന്ന നടപടികളുമായി സഊദി അറേബ്യ. ഇന്ത്യയുള്‍പ്പെടെ 75 രാജ്യങ്ങളില്‍ തവക്കല്‍ന ആപ്ലിക്കേഷന്‍ സേവനം ലഭ്യമാകും.

തവക്കല്‍ന അധികൃതരാണ് ഇക്കാര്യം അറിയിച്ചത്.

തവക്കല്‍നയിലെ ഇമ്മ്യൂണ്‍ സ്റ്റാറ്റസ് പരിശോധിച്ചാണ് നാട്ടില്‍ നിന്നും സഊദിയില്‍ എത്തുന്നവര്‍ക്ക് സഊദിയിലെ നിര്‍ബന്ധിത ക്വാറന്റൈന്‍ ഒഴിവാക്കപ്പെടുക. നാട്ടില്‍നിന്ന് വാക്‌സിന്‍ സ്വീകരിച്ചാല്‍ തവക്കല്‍നയില്‍ അപ്‌ഡേറ്റ് ചെയ്യുന്നത് നേരെത്തെ തന്നെ സംവിധാനിച്ചിട്ടുണ്ട്. എല്ലാ ഗള്‍ഫ് രാജ്യങ്ങള്‍ക്കും പുറമെ മിക്ക അറബ് രാജ്യങ്ങളും ഇതിന്റെ പരിധിയില്‍ വരുന്നുണ്ട്. കൂടാതെ, ഇന്ത്യ, ശ്രീലങ്ക, ബംഗ്ലാദേശ്, ഇന്തോനേഷ്യ, അമേരിക്ക, മാലിദ്വീപ് തുടങ്ങി 75 രാജ്യങ്ങളിലാണ് തവക്കല്‍ന സേവനം ലഭ്യമാകുക.