അബൂദബി ഇസ്ലാമിക് സെന്റര്‍: 'അമ്പത് വര്‍ഷം അമ്പത് കിണറുകള്‍' ലോഞ്ചിങ് നിര്‍വ്വഹിച്ചു

അബൂദാബി: ഇന്ത്യന്‍ ഇസ്ലാമിക് സെന്റര്‍ അമ്പതാം വാര്‍ഷികാഘോഷങ്ങളുടെ ഭാഗമായി പ്രഖ്യാപിക്കപ്പെട്ട, 'അമ്പത് വര്‍ഷം അമ്പത് കിണറുകള്‍' പദ്ധതിയുടെ ലോഞ്ചിങ് ദുബൈയില്‍ പാണക്കാട് സയ്യിദ് സ്വാദിഖലി ശിഹാബ് തങ്ങള്‍ നിര്‍വഹിച്ചു. നാട്ടില്‍ വിവിധ പ്രദേശങ്ങളില്‍ സ്വന്തമായി ജലസ്രോതസുകളില്ലാത്ത നിര്‍ധന കുചുംബങ്ങളെയും കൂട്ടായ്മകളെയും ഉദ്ദേശിച്ചാണ് കിണര്‍ നിര്‍മ്മാണ പദ്ധതി.

സെന്റര്‍ മെംബര്‍മാരുടെയും അഭ്യുദയ കാംക്ഷികളുടെയും യുഎഇ യിലെ വ്യവസായ പ്രമുഖരുടെയും സഹായത്തോടെയാണ് പദ്ധതി നടപ്പിലാക്കുന്നതെന്നും കേരളത്തിലെ ഒട്ടുമിക്ക ജില്ലകളില്‍ നിന്നും ലഭിച്ച അപേക്ഷകള്‍ പരിഗണിച്ചാണ് പദ്ധതിയുടെ ഗുണഭോക്താക്കളെ കണ്ടെത്തിയതെന്നും ഇസ്ലാമിക് സെന്റര്‍ പ്രസിഡന്റ് ബാവ ഹാജി, ജനറല്‍ സെക്രട്ടറി ടി.കെ അബ്ദുല്‍ സലാം എന്നിവര്‍ അറിയിച്ചു.

സെന്റര്‍ വൈസ് പ്രസിഡണ്ട് ഹിദായത്തുല്ല പറപ്പൂര്‍, ട്രഷറര്‍ ശിഹാബുദ്ധീന്‍ ഏ.വി , സഹ ഭാരവാഹികളായ അബ്ദുല്ല നദവി, അബ്ദുല്‍ അസീസ് മതിലകം, ഹനീഫ പടിഞ്ഞാര്‍മൂല, ശിഹാബ് കരിമ്പനോട്ടില്‍, അഷ്‌റഫ് നജാത്ത്, ഹാരിസ് ബാഖവി, സലീം നാട്ടിക, മുസ്തഫ വാഫി, ഇസ്മാഈല്‍ പാലക്കോട്, സിദ്ധീഖ് എളേറ്റില്‍ തുടങ്ങിയവര്‍ പങ്കെടുത്തു.

പ്രോജക്ട് കമ്മിറ്റി ഭാരവാഹികളായ അഷ്‌റഫ് പൊന്നാനി, കെ.പി കബീര്‍ ഹുദവി തുടങ്ങിയവര്‍ സന്നിഹിതരായിരുന്നു. ഇസ്ലാമിക് സെന്ററില്‍ യുഎഇ ദേശീയദിനാഘോഷങ്ങളുടെ ഭാഗമായി നടന്ന പരിപാടിയില്‍ ചീഫ് പാട്രണ്‍ പത്മശ്രീ ഡോ.എംഎ യൂസുഫലിയാണ് പദ്ധതി പ്രഖ്യാപനം നിര്‍വഹിച്ചത്.