മസ്‌കറ്റ് : സമസ്ത കേരള ഇസ്ലാം മത വിദ്യാഭ്യാസ ബോര്‍ഡ് ജനറല്‍ സെക്രട്ടറിയും,സമസ്ത സെക്രട്ടറിയുമായ എം.ടി ഉസ്താദിനെ നടുറോട്ടില്‍ തടഞ്ഞത് പ്രതിഷേധവും അപലപനീയവുമാണെന്നു സമസ്ത ഇസ്ലാമിക് സെന്റര്‍ കേന്ദ്ര കമ്മിറ്റി.പെണ്കുട്ടികളെ ഉള്‍പ്പടെ റോട്ടില്‍ ഇറക്കി വന്ദ്യ വയോധികനായ ഉസ്താദിന് നേരെ ആക്രോശം അഴിച്ചു വിട്ട വാഫി വിദ്യാര്‍ത്ഥികളെ നിലക്ക് നിര്‍ത്താന്‍ സി.ഐ.സി നേതൃത്വം തയ്യാറാവണം. വളാഞ്ചേരി മര്‍കസ് സമസ്ത മലപ്പുറം ജില്ലാ കമ്മിറ്റിയുടെ സ്ഥാപനമാണ്.അവിടെ എന്ത് പഠിപ്പിക്കണമെന്നു തീരുമാനിക്കാന്‍ ജില്ലാ കമ്മിറ്റിക്കും കോളേജ് കമ്മിറ്റിക്കും അവകാശമുണ്ട്. മത വിദ്യാഭ്യാസം നേടുന്ന വിദ്യാര്‍ത്ഥി വിദ്യാര്‍ത്ഥിനികളില്‍ നിന്നും ഒരിക്കലും ഉണ്ടാവാന്‍ പാടില്ലാത്ത ഈ പ്രവണതക്കെതിരെ സി.ഐ.സി അധികൃതര്‍ നടപടി എടുക്കണമെന്നും സമസ്ത ഇസ്ലാമിക് സെന്റര്‍ ഒമാന്‍ കേന്ദ്രകമ്മറ്റി പത്രകുറിപ്പില്‍ ആവശ്യപ്പെട്ടു.