'ഭരിക്കാന്‍ അധികാരം തെരഞ്ഞെടുക്കപ്പെട്ടവര്‍ക്ക്' ഡല്‍ഹി അധികാരത്തര്‍ക്കത്തില്‍ കെജ്‌രിവാളിന് ജയം, കേന്ദ്രത്തിന് തിരിച്ചടി

ന്യൂഡല്‍ഹി: ഡല്‍ഹി അധികാരത്തര്‍ക്കത്തില്‍ കേന്ദ്രത്തിന് തിരിച്ചടി.ഡല്‍ഹി ഭരണം കേന്ദ്ര സര്‍ക്കാറിന് ഏറ്റെടുക്കാനാവില്ലെന്ന് സുപ്രിം കോടതി ചൂണ്ടിക്കാട്ടി. മറ്റു കേന്ദ്ര ഭരണ പ്രദേശങ്ങളെ പോലെ അല്ല ഡല്‍ഹിയെന്ന് പറഞ്ഞ കോടതി ഭരിക്കാന്‍ അധികാരം തെരഞ്ഞെടുക്കപ്പെട്ടവര്‍ക്കെന്നും ചൂണ്ടിക്കാട്ടി. ഉദ്യോഗസ്ഥര്‍ക്ക് നിയന്ത്രിക്കാന്‍ അധികാരമില്ലെങ്കില്‍ സര്‍ക്കാറിന് അധികാരമില്ലെന്ന മുന്‍വിധിയോട് യോജിക്കുന്നില്ല. മറ്റു സംസ്ഥാന നിയമസഭകള്‍ക്ക് തുല്യമായ അധികാരം ഡല്‍ഹി നിയമ സഭക്കുമെന്നും കോടതി വ്യക്തമാക്കി. പൊലിസ് പൊതുക്രമം ഭൂമി എന്നിവയിലൊഴികെ അധികാരം ഡല്‍ഹി സര്‍ക്കാറിനാണെന്നും കോടതി ചൂണ്ടിക്കാട്ടി. പൊലിസ് പൊതുക്രമം ഭൂമി എന്നിവയിലൊഴികെ അധികാരം ഡല്‍ഹി സര്‍ക്കാറിനാണെന്നും കോടതി ചൂണ്ടിക്കാട്ടി.

 

Delhi govt ought to have control of services subject to exclusions on public order, police, land: SC

Read @ANI Story | https://t.co/8emhnLd1MB#SupremeCourt #Delhi #delhigovt pic.twitter.com/YyPrPVcTCh

— ANI Digital (@ani_digital) May 11, 2023

ഡല്‍ഹിയിലെ ഐ.എ.എസ് ഉദ്യോഗസ്ഥരുടെ നിയമനത്തിലും സ്ഥലംമാറ്റത്തിലും സംസ്ഥാന സര്‍ക്കാറിന് അധികാരമുണ്ട്.
ഭരണഘടനയുടെ 239 എ.എ. അനുച്ഛേദപ്രകാരം ആര്‍ക്കാണ് ഡല്‍ഹിയിലെ ഭരണപരമായ അധികാരമെന്ന വിഷയത്തിലാണ് അഞ്ചംഗ ഭരണഘടന ബെഞ്ച് വിധി പ്രസ്താവിച്ചത്. ലെഫ്റ്റനന്റ് ഗവര്‍ണറെ ഉപയോഗിച്ച് കേന്ദ്ര സര്‍ക്കാര്‍ ഡല്‍ഹിയിലെ ഉദ്യോഗസ്ഥരെ നിയന്ത്രിക്കുക ആണെന്ന് ആരോപിച്ച് ഡല്‍ഹി സര്‍ക്കാര്‍ നല്‍കിയ ഹരജിലാണ് വിധി പ്രസ്താവം. ഉദ്യോഗസ്ഥരുടെ മേല്‍ നിയന്ത്രണമില്ലാത്ത സര്‍ക്കാര്‍, രാജ്യം ഇല്ലാത്ത രാജാവിനെ പോലെയാണെന്നാണ് ആം ആദ്മി പാര്‍ട്ടി സര്‍ക്കാര്‍ സുപ്രീം കോടതിയില്‍ വാദിച്ചിരുന്നത്. എന്നാല്‍ ഡല്‍ഹി രാജ്യതലസ്ഥാനമായത് കൊണ്ടുതന്നെ ഇവിടത്തെ ഭരണത്തില്‍ തങ്ങള്‍ക്ക് മുഖ്യപങ്ക് വഹിക്കാനുണ്ടെന്നാണ് കേന്ദ്രത്തിന്റെ നിലപാട്.

ഡല്‍ഹിയിലെ ലെഫ്റ്റനന്റ് ഗവര്‍ണര്‍, സര്‍ക്കാരിന്റെ ഉപദേശങ്ങള്‍ പാലിക്കാന്‍ ബാധ്യസ്ഥനാണെന്നാണ് 2018ല്‍ സുപ്രീം കോടതിയുടെ ഭരണഘടനാ ബെഞ്ച് വിധിച്ചിരുന്നു. കേന്ദ്രവും സര്‍ക്കാരും സഹകരിച്ച് പ്രവര്‍ത്തിക്കണമെന്നും ഭരണഘടനാ ബെഞ്ച് ആവശ്യപ്പെട്ടിരുന്നു. എന്നാല്‍ അതിന് ശേഷവും ഉദ്യോഗസ്ഥ നിയമനം ഉള്‍പ്പടെയുള്ള വിഷയങ്ങളില്‍ ഡല്‍ഹി സര്‍ക്കാരും കേന്ദ്ര സര്‍ക്കാരും തമ്മിലുള്ള തര്‍ക്കം തുടര്‍ന്നിരുന്നു.

ഈ തര്‍ക്കവുമായി ബന്ധപ്പെട്ട ഹര്‍ജികളില്‍ 2019 ഫെബ്രുവരി 14ന് സുപ്രീംകോടതിയുടെ രണ്ടംഗ ബെഞ്ച് ഭിന്നവിധികളെഴുതിയിരുന്നു. ജസ്റ്റിസുമാരായ എ.കെ. സിക്രിയും അശോക് ഭൂഷണുമാണ് ഭിന്നവിധികളെഴുതിയത്. ഇതേ തുടര്‍ന്ന് വിഷയം മൂന്നംഗ ബെഞ്ചിന്റെ പരിഗണനയ്ക്ക് വന്നു. കേന്ദ്ര സര്‍ക്കാരിന്റെ ആവശ്യം കൂടി പരിഗണിച്ചാണ് മൂന്നംഗ ബെഞ്ച് ഡല്‍ഹി സര്‍ക്കാരിന്റെ ഹരജി അഞ്ചംഗ ബെഞ്ചിന്റെ പരിഗണനയ്ക്ക് വിട്ടത്.

news summary Delhi government ought to have control over administrative services, Lieutenant Governor bound by its decision, says Supreme Court