കൊച്ചി: കേരളത്തില്‍ നിന്ന് അസമിലേക്ക് പോയി തിരിച്ചു വരാനാവാതെ കുടുങ്ങിയ ടൂറിസ്റ്റ് ബസിലെ ജീവനക്കാരന്‍ ആത്മഹത്യ ചെയ്തു. കോഴിക്കോട് കൊയിലാണ്ടി സ്വദേശി അഭിജിത്താണ് അസമിലെ നഗോറയില്‍ ബസിനുള്ളില്‍ തൂങ്ങിമരിച്ചത്.

റംസാനും നിയമസഭാ തെരഞ്ഞെടുപ്പിനും മുന്‍പായി അന്യസംസ്ഥാന തൊഴിലാളികളുമായി അസമിലേക്കുപോയ ബസിലെ തൊഴിലാളിയാണ് അഭിജിത്ത്.

ആഴ്ചകള്‍ക്ക് മുന്‍പ് ഇതുപോലെ കുടുങ്ങിയ ബസുകളിലെ ഒരു മലയാളി ജീവനക്കാരന്‍ ഹൃദയാഘാതം മൂലം മരണപ്പെട്ടിരുന്നു. ഈ മരണത്തിന്റെ ആഘാതം മാറും മുന്‍പാണ് അഭിജിത്തിന്റെ ആത്മഹത്യ.