കോപന്‍ഹേഗന്‍: ആശംസകള്‍ അയച്ചവര്‍ക്കും പ്രാര്‍ഥിച്ചവര്‍ക്കും നന്ദി പറഞ്ഞ് ഡെന്‍മാര്‍ക്ക് താരം ക്രിസ്റ്റ്യന്‍ എറിക്‌സണ്‍. മത്സരത്തിനിടെ കുഴഞ്ഞ് വീണതിന് ശേഷം ആദ്യമായാണ് താരം സോഷ്യല്‍ മീഡിയയില്‍ ചിത്രം പങ്കുവച്ച് പ്രത്യക്ഷപ്പെടുന്നത്. ഇന്‍സ്റ്റഗ്രാമിലാണ് എറിക്‌സണ്‍ എല്ലാവര്‍ക്കും നന്ദി അറിയിച്ചുകൊണ്ടുള്ള കുറിപ്പിട്ടത്. കൂടെ താരത്തിന്റെ ആശുപത്രിയില്‍ നിന്നുള്ള ഫോട്ടോയും പങ്കുവെച്ചിട്ടുണ്ട്. യൂറോകപ്പില്‍ ഫിന്‍ലന്‍ഡിനെതിരായ മത്സരത്തിനിടെയായിരുന്നു എറിക്‌സണ്‍ കുഴഞ്ഞ് വീണത്. ഡെന്മാര്‍ക്ക് ക്യാപ്റ്റന്‍ സൈമണ്‍ ക്യറിന്റെ ഇടപെടലാണ് എറിക്‌സണെ ജീവിതത്തിലേക്ക് തിരിച്ചുകൊ@ണ്ടുവന്നത്. നിലവില്‍ ആരോഗ്യ നിലയില്‍ സംതൃപ്തി രേഖപ്പെടുത്തിയ താരം ചില പരിശോധനകള്‍ക്ക് വേ@ണ്ടി ആശുപത്രിയില്‍ കുറച്ച് ദിവസം കൂടി കഴിയണമെന്നും വ്യക്തമാക്കി.