ജി​ദ്ദ: സഊദി അറേബ്യയിലെ ട്രെയിൻ ഗതാഗതം കൂടുതൽ ജനപ്രിയമാകുന്നതായി കണക്കുകൾ. 2023ന്റെ ആദ്യ പാ‌ദത്തി​ൽ യാത്രക്കാരുടെ എണ്ണത്തിൽ വ​ൻവർധ​ന രേഖപ്പെടുത്തിയതായി റിപ്പോർട്ടുകൾ പറയുന്നു. കണക്കനുസരിച്ച് ആദ്യ പാ‌ദത്തി​ൽ 22,21,225 പേർ റെ​യി​ൽ​വേ വ​ഴി യാ​ത്ര ചെയ്തിട്ടുണ്ട്. 8036 ട്രി​പ്പു​ക​ളാണ് ഇക്കാലയവിൽ സഊദിയിൽ റെയിൽവേ നടത്തിയിട്ടുള്ളത്. ച​ര​ക്കു​ഗ​താ​ഗ​ത രം​ഗ​ത്തും വർധന രേഖപ്പെടുത്തിയത്. ഏ​ഴു ശ​ത​മാ​നമാണ് ച​ര​ക്കു​ഗ​താ​ഗ​ത വ​ർ​ധ​ന​യു​ണ്ടാ​യി​ട്ടു​ണ്ട്.

ഈ​സ്റ്റേ​ൺ, നോ​ർ​ത്തേ​ൺ, ഹ​റ​മൈ​ൻ എ​ക്‌​സ്‌​പ്ര​സ് ട്രെ​യി​ൻ പാ​ത​ക​ളി​ലൂ​ടെയാണ് ഇത്രയും യാത്രകൾ നടന്നത്. ഇതിനൊപ്പം, 58,30,000 ട​ൺ ധാ​തു​ക്ക​ളും ച​ര​ക്കു​ക​ളും റെ​യി​ൽ​വേ വ​ഴി എ​ത്തി​ച്ച​താ​യും റെയിൽവേ അറിയിച്ചു. ഈ ​വ​ർ​ഷ​ത്തെ ആ​ദ്യ ​പാ​ദ​ത്തി​ലെ സൗ​ദി അ​റേ​ബ്യ​ൻ റെ​യി​ൽ​വേ​യു​ടെ മി​ക​ച്ച പ്ര​കട​നം വ​ർ​ധി​ച്ചു​വ​രു​ന്ന പ്ര​ക​ട​ന​ത്തി​ന്റെ തു​ട​ർ​ച്ച​യാ​ണെ​ന്ന് സഊദി റെ​യി​ൽ​വേ സി​.ഇ.​ഒ ഡോ. ​ബ​ശാ​ർ ബി​ൻ ഖാ​ലി​ദ് അ​ൽ മാ​ലി​ക് പ​റ​ഞ്ഞു.

'യാ​ത്രാ​ സേ​വ​ന​ങ്ങ​ളു​ടെ കാ​ര്യ​ത്തി​ലാ​യാ​ലും ച​ര​ക്കു​ക​ളു​ടെ​യും ധാ​തു​ക്ക​ളു​ടെ​യും കാ​ര്യ​ത്തി​ലാ​യാ​ലും വി​വി​ധ മേ​ഖ​ല​ക​ളി​ൽ ഞ​ങ്ങ​ളു​ടെ ഉ​പ​ഭോ​ക്താ​ക്ക​ളെ തൃ​പ്തി​പ്പെ​ടു​ത്തു​ന്ന സേ​വ​നം ന​ൽ​കു​ന്ന​തി​ന് പ​ദ്ധ​തി ഒ​രു​ക്കി​യി​ട്ടു​ണ്ട്. അ​തി​ന​നു​സ​രി​ച്ചാ​ണ് പ്ര​വ​ർ​ത്തി​ച്ചു​കൊ​ണ്ടി​രി​ക്കു​ന്ന​ത്' - ബ​ശാ​ർ ബി​ൻ ഖാ​ലി​ദ് കൂട്ടിച്ചേർത്തു.

കൂടുതൽ സഊദി അറേബ്യ വാർത്തകൾ ലഭിക്കാൻ സുപ്രഭാതം വാട്സാപ്പ് കമ്യൂണിറ്റിയിൽ ജോയിൻ ചെയ്യുക: https://chat.whatsapp.com/IqrFuRJyyw6Cgfwa0Llope