തൊടുപുഴ: 'സ്‌നേഹപൂര്‍വ്വം സുപ്രഭാതം' പദ്ധതി പടി. കോടിക്കുളം ഗവ. ഹയര്‍ സെക്കന്‍ഡറി സ്‌കൂളില്‍ തുടക്കമായി. കോടിക്കുളം ഗ്രാമപഞ്ചായത്ത് പ്രസിഡന്റ് ഷേര്‍ളി ആന്റണി പത്രത്തിന്റെ കോപ്പി സ്‌ക്കൂള്‍ ലീഡര്‍ കൃസ്റ്റഫര്‍ ബെന്നിയ്ക്കു നല്‍കി ഉദ്ഘാടനം നിര്‍വഹിച്ചു.
സുപ്രഭാതത്തിലെ വിദ്യാ പ്രഭാതം പേജ് വിദ്യാര്‍ഥികള്‍ക്ക് അറിവ് നേടാന്‍ ഏറെ സഹായകരമാണെന്ന്  പ്രസിഡന്റ് പറഞ്ഞു.
ഹെഡ്മാസ്റ്റര്‍ കെ.വി രാജു സ്വാഗതവും അബ്ദുറഹ്മാന്‍ പുഴക്കര നന്ദിയും പറഞ്ഞു.
  ഗ്രാമപഞ്ചായത്ത് മെമ്പര്‍ അന്‍ഷാദ് കുറ്റിയാനി,  കോടിക്കുളം മുഹിയിദ്ദീന്‍ ജുംആ മസ്ജിദ് ഇമാം മുഹമ്മദ് ഷാഫി ഫൈസി, വെള്ളംചിറ അന്‍സാര്‍ മസ്ജിദ് ഇമാം കുഞ്ഞുമുഹമ്മദ് മൗലവി, സലീം അന്‍വരി, സുപ്രഭാതം ചീഫ് റിപ്പോര്‍ട്ടര്‍ ബാസിത് ഹസന്‍, ഓര്‍ഗനൈസര്‍ പി.ഇ ഹുസൈന്‍ എന്നിവര്‍ സംബന്ധിച്ചു.
സക്കീര്‍ കിളിയനാല്‍ ആണ് പത്രം സ്‌പോണ്‍സര്‍ ചെയ്തത്. ഇന്നലെ രാവിലെ സ്‌ക്കൂള്‍ അസംബ്ലിയോടനുബന്ധിച്ചായിരുന്നു പരിപാടി.