ചിങ്ങവനം: പനച്ചിക്കാട് നെല്ലിക്കല്‍ എസ്.എന്‍.ഡി.പി ശാഖയില്‍ കണക്ക് അവതരിപ്പിച്ചതിനെ ചൊല്ലിയുണ്ടായ കൈയ്യാങ്കളിയില്‍ കണ്ടാല്‍ അറിയാവുന്ന 12 പേര്‍ക്കെതിരേ ചിങ്ങവനം പൊലിസ് കേസെടുത്തു. കഴിഞ്ഞ ദിവസം രാത്രിയാണ് വാര്‍ഷിക കണക്ക് അവതരിപ്പിക്കുന്നതിന് അംഗങ്ങള്‍ ഇരുചേരിയായി വാക്കേറ്റവും കൈയ്യാങ്കളിയും നടത്തിയത്. സംഘര്‍ഷത്തില്‍ നിരവധി പേര്‍ക്ക് പരുക്കേല്‍ക്കുകയും ചെയ്തു. തലയ്ക്ക് അടിയേറ്റ നെല്ലിക്കല്‍ സ്വദേശി സനുവിനെ പിന്നീട് ചികിത്സക്കായി കോട്ടയം മെഡിക്കല്‍ കോളജിലേക്ക് മാറ്റിയിരുന്നു. അഞ്ചുപേര്‍ കോട്ടയം ജനറല്‍ ആശുപത്രയിലും ചികിത്സ തേടിയിട്ടുണ്ട്.