ട്രെയ്‌നിനുളളില്‍ യാത്രക്കാരനെ കുത്തി സഹയാത്രികന്‍. മരുസാഗര്‍ എക്‌സ്പ്രസിലായിരുന്നു സംഭവം. ട്രെയിന്‍ ഷൊര്‍ണൂരെത്തിയപ്പോള്‍ പരപ്പനങ്ങാടി സ്വദേശിയായ ദേവദാസിനാണ് കുത്തേറ്റത്. ഇതിനെ തുടര്‍ന്ന് ഗുരുവായൂര്‍ സ്വദേശിയായ സിയാദിനെ ആര്‍.പി.എഫ് കസ്റ്റഡിയിലെടുത്തിട്ടുണ്ട്.

ട്രെയിനിനുളളില്‍ സീറ്റിനെ ചൊല്ലി ഇരുവരും വഴക്കിട്ടിരുന്നു. പിന്നീട് ട്രെയിന്‍ ഷൊര്‍ണൂരില്‍ പിടിച്ചിട്ടപ്പോള്‍ സിയാദ് ട്രാക്കില്‍ ഇറങ്ങി അവിടെ നിന്നും കിട്ടിയ കുപ്പി പൊട്ടിച്ച് ദേവദാസിന്റെ മുഖത്ത് കുത്തുകയായിരുന്നു. ശേഷം ഓടി രക്ഷപ്പെടാന്‍ ശ്രമിക്കുന്നതിനിടെയാണ് പ്രതിയെ ആര്‍.പി.എഫ് പിടികൂടിയത്.

Content Highlights: passenger was stabbed in a train