വെള്ളറട: എസ്.എഫ്.ഐ, എ.ബി.വി.പി പ്രവര്‍ത്തകര്‍ തമ്മിലുണ്ടായ ഏറ്റുമുട്ടലില്‍ അഞ്ചു പേര്‍ക്കു പരുക്കേറ്റു. ഇന്നലെ  കാരക്കോണം യു.പി.എം എച്ച്.എസ്സില്‍ എ.ബി.വി.പി വിദ്യാര്‍ഥിയുടെ രാഖി പൊട്ടിച്ചതിനെച്ചൊല്ലിയുണ്ടായ വാക്കേറ്റമാണ്   ഏറ്റുമുട്ടലില്‍ കലാശിച്ചത്. എ.ബി.വി.പി പ്രവര്‍ത്തകരായ വിനു കൃഷ്ണ, രാജീവ്, ആദര്‍ശ് എന്നിവരെ പാറശ്ശാല സര്‍ക്കാര്‍ ആശുപത്രിയിലും എസ്.എഫ്.ഐക്കാരായ മുഹമ്മദ് അര്‍ഷാദ്, വിജീഷ് എന്നിവരെ കാരക്കോണം സി.എസ്.ഐ മെഡിക്കല്‍കോളജിലും പ്രവേശിപ്പിച്ചു.
വെള്ളറട പൊലിസ് സ്ഥലത്തെത്തിയാണ് സ്ഥിതിഗതികള്‍ നിയന്ത്രിച്ചത്.