കര്‍ണാടക: കര്‍ണാടകയിലെ മുഖ്യമന്ത്രിയെ തീരുമാനിക്കാനുളള ചര്‍ച്ചകള്‍ ഡല്‍ഹിയില്‍ ഇന്നും തുടരും. ഇന്നലെ ദല്‍ഹിയിലെത്തിയ സിദ്ധരാമയ്യ ഇതുവരെ നേതാക്കളെ കണ്ടില്ല. ഡി.കെ ശിവകുമാര്‍ ഇന്ന് ദല്‍ഹിയിലെത്തും. ഒന്‍പതരയോടെയായിരിക്കും അദേഹം ദല്‍ഹിയിലേക്ക് പോകുക. എഐസിസി നിയോഗിച്ച നിരീക്ഷകര്‍ ഇന്നലെ ദേശീയ അധ്യക്ഷന്‍ മല്ലികാര്‍ജ്ജുന്‍ ഖര്‍ഗെയ്ക്ക് റിപ്പോര്‍ട്ട് സമര്‍പ്പിച്ചിരുന്നു. ഇത് പ്രകാരം ഭൂരിപക്ഷം എംഎല്‍എമാരുടെ പിന്തുണ സിദ്ധരാമയ്യക്കാണ്. എങ്കിലും സമവായത്തിലൂടെ മാത്രമേ തീരുമാനം പ്രഖ്യാപിക്കൂ എന്നാണ് കര്‍ണാടകയുടെ ചുമതലയുള്ള ഐസിസി ജനറല്‍ സെക്രട്ടറി രണ്‍ദീപ് സുര്‍ജ്ജെവാല വ്യക്തമാക്കിയിരിക്കുന്നത്.

Content Highlights:Dk shivakumar in delhi