സാവോപോളോ: കോപ്പ അമേരിക്കയില്‍ രണ്ടാം മത്സരത്തിലും കരുത്തുറ്റ വിജയവുമായി കാനറിപ്പക്ഷികള്‍. പെറുവിനെ മറുപടിയില്ലാത്ത നാല് ഗോളുകള്‍ക്കാണ് ബ്രസീല്‍ തകര്‍ത്തത്. നെയ്മര്‍, അലക്‌സ് സാന്‍ഡ്രോ, എവര്‍ട്ടന്‍ റിബെറോ, റിച്ചാര്‍ലിസണ്‍ എന്നിവരാണ് ബ്രസീലിനായി ഗോള്‍ നേടിയത്.

മത്സരം തുടങ്ങി പന്ത്രണ്ടാം മിനിറ്റില്‍ തന്നെ പെറു വലകുലുക്കി ബ്രസീല്‍ പോരാട്ടത്തിന്റെ സൂചന നല്‍കിയിരുന്നു. പോരാട്ടത്തിന്റെ ബ്രസീല്‍ കരുത്തിനു മുന്നില്‍ തുടക്കത്തില്‍ തന്നെ എതിരാളികള്‍ പ്രതിരോധത്തിലേക്ക് പിന്‍വലിഞ്ഞു. അതും പലവട്ടം തകര്‍ന്നു.

ഗബ്രിയേല്‍ ജീസസിന്റെ അസിസ്റ്റില്‍ അലക്‌സ് സാന്‍ഡ്രോ പന്ത് ലക്ഷ്യത്തിലെത്തിച്ചു. തുടര്‍ന്നും ആക്രമണങ്ങള്‍ ഉണ്ടായെങ്കിലും, പിന്നീടുള്ള മൂന്ന് ഗോളുകളും പിറന്നത് ആദ്യ പകുതിക്ക് ശേഷമായിരുന്നു.