കാസര്‍കോട്: ബി.ജെ.പി. സംസ്ഥാന അധ്യക്ഷന്‍ പ്രതിയായ മഞ്ചേശ്വരത്തെ കോഴക്കേസില്‍ സുന്ദരയുടേയും അമ്മയുടേയും അടക്കം അഞ്ചു പേരുടെ രഹസ്യമൊഴിയെടുക്കും.

രഹസ്യമൊഴി രേഖപ്പെടുത്താന്‍ കോടതി കെ സുന്ദരയ്ക്ക് നോട്ടീസ് അയച്ചു.സുന്ദരയെ സ്വാധീനിച്ച് മൊഴി മാറ്റാന്‍ സാധ്യതയുണ്ടെന്ന വിലയിരുത്തലിലാണ് അന്വേഷണസംഘ രഹസ്യമൊഴി എടുക്കാന്‍ കോടതിയില്‍ അപേക്ഷ നല്‍കിയത്.

കേസില്‍ തെളിവുശേഖരണം ഊര്‍ജിതമാക്കിയ അന്വേഷണസംഘത്തിന് പണമിടപാടുകളുടെ കൂടുതല്‍ വിവരങ്ങള്‍ ലഭ്യമായിട്ടുണ്ട്. 65000 ത്തോളം രൂപ വീടിന്റെ അറ്റകുറ്റപ്പണികള്‍ക്കായി ചെലവാക്കിയെന്നാണ് സൂചന.

സ്ഥാനാര്‍ഥിത്വത്തില്‍നിന്ന് പിന്മാറാന്‍ ബിജെപി നേതാക്കള്‍ കോഴയായി രണ്ടര ലക്ഷം രൂപയും 15,000 രൂപയുടെ ഫോണും നല്‍കുയെന്നായിരുന്നു സുന്ദരയുടെ വെളിപ്പെടുത്തല്‍.