കാഞ്ഞിരംകുളം: കെട്ടിടനിര്‍മാണ തൊഴിലാളിയായ ത്സാര്‍ഖണ്ഡ് സ്വദേശി  ഷോക്കേറ്റ് മരിച്ചു.  ഛേദന്‍ രചക് (25) ആണ് മരിച്ചത്. ഇന്നലെ ഉച്ചയ്ക്ക് പുല്ലുവിള പി.പി.പുരയിടത്തില്‍ സ്വകാര്യ വ്യക്തിയുടെ വീടിന്റെ നിര്‍മാണ പ്രവര്‍ത്തനത്തിനിടയില്‍  അലുമിനിയം കഴ ഉയര്‍ത്തിയപ്പോള്‍  സമീപത്തെ വൈദ്യുത ലൈനില്‍ തട്ടിയായിരുന്നു അപകടം. ഉടന്‍  നെയ്യാറ്റിന്‍കര ജനറല്‍ ആശുപത്രിയിലെത്തിച്ചെങ്കിലും  രക്ഷിക്കാനായില്ല. കാഞ്ഞിരംകുളം പൊലിസ് കേസെടുത്തു.