രാജസ്ഥാന്‍: പ്രവാചകനെതിരെ വിവാദ പരാമര്‍ശം നടത്തിയ ബി.ജെ.പി മുന്‍ വക്താവ് നുപൂര്‍ ശര്‍മയെ പിന്തുണച്ചതിന്റെ പേരില്‍ രാജസ്ഥാനില്‍ കടയുടമയെ വെട്ടിക്കൊലപ്പെടുത്തി.

നൂപുര്‍ ശര്‍മയെ പിന്തുണച്ച് സമൂഹമാധ്യമങ്ങളില്‍ പോസ്റ്റിട്ടതിനെത്തുടര്‍ന്നാണ് വെട്ടിക്കൊലപ്പെടുത്തിയത്. യുവാക്കളായ രണ്ടുപേരാണ് കൊലപാതകം നടത്തിയത്. ഉദയ്പൂരിലെ മാള്‍ഡാസ് സ്ട്രീറ്റിലാണ് കൊലപാതകം അരങ്ങേറിയത്. കൊലപ്പെടുത്താന്‍ ഉപയോഗിച്ച ആയുധങ്ങള്‍ വിഡിയോയില്‍ യുവാക്കള്‍ ഉയര്‍ത്തിക്കാട്ടി.

മുന്‍കരുതലുകളുടെ ഭാഗമായി ഉദയ്പൂരില്‍ ഇന്റര്‍നെറ്റ് വിച്ഛേദിച്ചു. കടകളെല്ലാം അടച്ചു. കൊലപാതകികളെ പിടികൂടാനായി പൊലീസ് അന്വേഷണം ഊര്‍ജിതമാക്കി. കുറ്റവാളികളെ ഉടന്‍ പിടികൂടുമെന്ന് ക്രമസമാധാന ചുമതല വഹിക്കുന്ന എ.ഡി.ജി.പി ഹവാസിങ് ഗുംത പറഞ്ഞു.