മുസ്‌ലിം പേഴ്‌സണല്‍ ലോ ബോര്‍ഡ് സെക്രട്ടറി സഫര്‍യാബ് ജീലാനി അന്തരിച്ചു

ന്യൂഡല്‍ഹി: മുതിര്‍ന്ന അഭിഭാഷകനും ആള്‍ ഇന്ത്യാ മുസ്‌ലിം പേഴ്‌സണല്‍ ലോ ബോര്‍ഡ് സെക്രട്ടറിയുമായ സഫര്‍യാബ് ജീലാനി (73) അന്തരിച്ചു. ലഖ്‌നൗവിലെ ആശുപത്രിയിലായിരുന്നു അന്ത്യം. ഏറെ രോഗബാധിതനായിരുന്നു. ലഖ്‌നൗവിലാണ് ഖബറടക്കം.

ബാബരി മസ്ജിദ് ആക്ഷന്‍ കമ്മിറ്റി കണ്‍വീനര്‍ സഫര്‍യാബ് ജീലാനി അന്തരിച്ചു

ബാബരി മസ്ജിദ് ആക്ഷന്‍ കമ്മിറ്റി കണ്‍വീനറായിരുന്നു. ഈ കേസില്‍ സുപ്രിം കോടതിയില്‍ ഹാജരായിട്ടുണ്ട്. നേരത്തെ ഉത്തര്‍പ്രദേശ് സര്‍ക്കാറിന്റെ അഡീഷണല്‍ അഡ്വക്കേറ്റ് ജനറലായും പ്രവര്‍ത്തിച്ചിട്ടുണ്ട്. വിവിധ വിദ്യാഭ്യാസ സ്ഥാപനങ്ങളുടെ സെക്രട്ടറിയായിരുന്നു.