ന്യൂഡല്‍ഹി: കഴിഞ്ഞ 24 മണിക്കൂറിനിടെ ഇന്ത്യയില്‍ 14,506 പേര്‍ക്ക് കൊവിഡ് സ്ഥിരീകരിച്ചു. ഇതോടെ രാജ്യത്തെ ആകെ രോഗ ബാധിതരുടെ എണ്ണം 4,34,33,345 ആയി ഉയര്‍ന്നു. കഴിഞ്ഞ 24 മണിക്കൂറിനിടെ 30 പേരാണ് കൊവിഡ് ബാധിച്ച് മരിച്ചത്. ഇതോടെ ആകെ റിപ്പോര്‍ട്ട് ചെയ്ത മരണസംഖ്യ 5,25,077 ആയി ഉയര്‍ന്നു.

99,602 രോഗികളാണ് ഇപ്പോള്‍ ചികിത്സയിലുള്ളത്. അതേസമയം പ്രതിദിന രോഗമുക്തരുടെ എണ്ണം 98.56 ശതമാനമായതായി കേന്ദ്ര ആരോഗ്യ മന്ത്രാലയം അറിയിച്ചു.

പുതുതായി 11,574 പേരാണ് രോഗമുക്തരായത്. രാജ്യത്തുടനീളം രോഗമുക്തി നേടിയവരുടെ എണ്ണം 4,28,08,666 ആയി. കഴിഞ്ഞ ദിവസം ആകെ രോഗബാധിതരുടെ എണ്ണം 11,793 ആയിരുന്നു.